|
2022-06-14 10:04:09, 805 ნახვა
საზოგადოება
მარნეულში ხორბლის სასელექციო-სადემონსტრაციო ღია კარის დღე გაიმართა
მარნეულის მუნიციპალიტეტში, ხორბლის სასელექციო-სადემონსტრაციო ღია კარის დღე შპს „ფირმა ლომთაგორას“ ორგანიზებით გაიმართა. ღონისძიებას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი დაესწრო. „სახელმწიფო პროგრამები, რომლებიც მნიშვნელოვნად უწყობს ხელს მარცვლეულის წარმოების განვითარებას, მოკლებული იქნება აზრს, რომ არა, ისეთი მნიშვნელოვანი კომპონენტი, როგორიცაა თესლის წარმოების განვითარება, ახალ, მაღალპროდუქტიულ ჯიშებზე მუშაობა. ლომთაგორას მეურნეობაში სწორედ ხორბლის სათესლე მასალის გამოყვანა ხდება. საქართველოში უკვე გვაქვს ხორბლის ჯიშები, რომლებიც 7-8-10 ტონიან მოსავალს გვაძლევს. ვფიქრობთ, რომ ეს ნაბიჯები, ხელს შეუწყობს ჩვენი დამოუკიდებლობის ზრდას, არამარტო სათესლე მასალაზე, არამედ მთლიანად სასურსათო ხორბლის წარმოებაზე. სახელმწიფო გეგმავს და მომავალში განახორციელებს პროგრამებს, რომელიც ხორბლის და მარცვლოვანი კულტურების განვითარებაზე იქნება ორიენტირებული“, - განაცხადა გიორგი ხანიშვილმა . ღია კარის დღეზე წარმოდგენილი იყო, როგორც მსოფლიოს სასელექციო სახეობის, ასევე ქართული ადგილობრივი სელექციისა და ენდემურ-აბორიგენული ჯიშები. ღონისძიებას საქართველოს პარლამენტის აგრარული კომიტეტის აპარატის, გარემოს დაცვისა და სოფლის მეურნეობის სამინისტროს, სოფლის მეურნეობის მეცნიერებათა აკადემიისა და დარგობრივი ასოციაციების წარმომადგენლები და ადგილობრივი ფერმერები ესწრებოდნენ.
კობახიძე - ეფექტური პოლიტიკა, ძლიერი სამთავრობო გუნდი და კორუფციის დაძლევა არის ჩვენი სწრაფი ეკონომიკური განვითარების მიზეზი
საფრანგეთმა ფეიერვერკების გაყიდვასა და გამოყენებაზე დროებითი აკრძალვა დააწესა
კობახიძე ირწმუნება, რომ 2020 წლის შემდეგ სიღარიბე 0.5 მილიონზე მეტმა ადამიანმა დაძლია
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



