|
2022-06-13 13:19:52, 753 ნახვა
საზოგადოება
თბილისის მერმა 13 ივნისის მემორიალი გვირგვინით შეამკო
საქართველოს პრემიერ-მინისტრ ირაკლი ღარიბაშვილთან და საკრებულოს თავმჯდომარე გიორგი ტყემალაძესთან ერთად, თბილისის მერი კახა კალაძე ჭაბუა ამირეჯიბის გზატკეცილზე, 13 ივნისის სტიქიის შედეგად დაღუპულთა სულის მოსახსენიებელ პანაშვიდს დაესწრო და მემორიალი გვირგვინით შეამკო. კახა კალაძემ დაღუპულთა ოჯახებს მიუსამძიმრა და განაცხადა, რომ 2015 წლის 13 ივნისს დედაქალაქისთვის უმძიმესი დილა გათენდა. „13 ივნისის ტრაგედიიდან შვიდი წელი გავიდა. ღამე, რომელიც უმძიმესი იყო ჩვენი ქალაქისთვის და კიდევ უფრო მძიმე იყო დილა, რომელიც გათენდა. ვნახეთ რეალურად, თუ რა მდგომარეობა იყო - უამრავი გარდაცვლილი ადამიანი, დანგრეული სახლები, დატბორილი ქუჩები და ზოოპარკის ტერიტორია, დახოცილი ცხოველები. ძალიან მძიმე მდგომარეობა იყო. ახლაც კი მიჭირს სიტყვებით გადმოცემა და საუბარი იმ დილაზე, თუ რა ხდებოდა დედაქალაქში, თუმცა, გამოჩნდა ახალგაზრდების დიდი ჯგუფი. არ მახსოვს ასეთი სოლიდარობა და ერთსულოვნება, რამაც უდიდესი შედეგი გამოიღო. ქალაქზე შეყვარებული ადამიანების ჯგუფები მოდიოდნენ და ჩართული იყვნენ ქალაქის დასუფთავებასა და გაწმენდაში, რათა მოგვეწესრიგებინა ინფრასტრუქტურა. მინდა, კიდევ ერთხელ მივუსამძიმრო გარდაცვლილთა ოჯახებს. ნათელში იყოს ყველა გარდაცვლილის სული. 21 ადამიანი დაიღუპა, ორი კი უგზო-უკვლოდ არის დაკარგული“, - განაცხადა კახა კალაძემ. დედაქალაქის მერთან ერთად, ადგილზე მერის მოადგილე ანდრია ბასილაია, ვაკის რაიონის გამგებელი დავით კვინიკაძე და თბილისის საკრებულოს დეპუტატები იმყოფებოდნენ. 13-14 ივნისს თბილისში მომხდარი სტიქიიდან შვიდი წელი გავიდა.
კობახიძე - ეფექტური პოლიტიკა, ძლიერი სამთავრობო გუნდი და კორუფციის დაძლევა არის ჩვენი სწრაფი ეკონომიკური განვითარების მიზეზი
საფრანგეთმა ფეიერვერკების გაყიდვასა და გამოყენებაზე დროებითი აკრძალვა დააწესა
კობახიძე ირწმუნება, რომ 2020 წლის შემდეგ სიღარიბე 0.5 მილიონზე მეტმა ადამიანმა დაძლია
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



