|
2022-06-01 17:45:38, 1417 ნახვა
საზოგადოება
ქეთევან დედოფლის გამზირზე სარეაბილიტაციო სამუშაოების გამო, ტრანსპორტის მოძრაობის სქემა იცვლება
ქეთევან დედოფლის გამზირზე შემდეგი ეტაპის სარეაბილიტაციო სამუშაოები იწყება. საგზაო სამუშაოებთან დაკავშირებით, დღეიდან, სატრანსპორტო საშუალებების გადაადგილება შესაძლებელი იქნება თელავის ქუჩის კვეთამდე არსებულ საგზაო მონაკვეთში და შემდგომ ბოჭორმის ქუჩის მიმართულებით. აღნიშნულის შესახებ ინფორმაციას თბილისის მერია ავრცელებს. მერიის ცნობით, რეაბილიტაციის განმავლობაში, მეტროსადგურ „ავლაბრიდან“ მომავალ სატრანსპორტო საშუალებებს გადაადგილება შეეძლებათ, თელავის ქუჩის შემდეგ ბოჭორმის ქუჩაზე, ხოლო ბოჭორმის ქუჩიდან ლეხ კაჩინსკისა და იალბუზის ქუჩების მიმართულებით. მეტროსადგურ „ავლაბარიდან“ მომავალი სატრანსპორტო საშუალებებისთვის შეზღუდული იქნება გადაადგილება ქეთევან დედოფლის გამზირიდან თელავის ქუჩის მიმართულებით და თელავის ქუჩიდან ბოჭორმის ქუჩის მიმართულებით. „მეტროსადგურ „ისნიდან“ მომავალი სატრანსპორტო საშუალებებისთვის გადაადგილება შეზღუდული იქნება კაჩინსკის ქუჩის კვეთიდან ქეთევან დედოფლის გამზირის მიმართულებით, ხოლო კაჩინსკის ქუჩიდან მეტროსადგურ „ავლაბრის“ მიმართულებით გადაადგილება დასაშვები იქნება ბოჭორმის, ა. ზურაბაშვილისა და წურწუმიას ქუჩების გამოყენებით. ბოჭორმის ქუჩიდან გადაადგილება შესაძლებელი იქნება ქეთევან დედოფლის გამზირზე, ასევე, თელავის, წინანდლისა და იალბუზის ქუჩებზე. იალბუზის ქუჩიდან ქეთევან დედოფლის გამზირისკენ მიმავალ სატრანსპორტო საშუალებებს კი ბოჭორმის ქუჩაზე გადაადგილება შეეძლებათ მხოლოდ მარჯვნივ მოხვევით, კაჩინსკის ქუჩის მიმართულებით. სამუშაოების მიმდინარეობის პერიოდში საზოგადოებრივი ტრანსპორტი გადაადგილდება შემდეგი მიმართულებით: ავტობუსები: N305, N309, N325, N333, N337, N393 და მიკროავტობუსები: N462, N472, N528, N534, N540 მეტროსადგურ „ავლაბრის“ მიმართულებით კაჩინსკის ქუჩის გადაკვეთამდე არსებულ საგზაო მონაკვეთში იმოძრავებენ, შემდეგ მოძრაობას კაჩინსკისა და ბოჭორმის ქუჩების მიმართულებით განაგრძობენ და ქეთევან დედოფლის გამზირზე გადავლენ, რის შემდეგაც დადგენილი სქემით გადაადგილდებიან. უკუმიმართულებით, მეტროსადგურ „ავლაბრიდან“ ქეთევან დედოფლის გამზირზე გადაადგილდებიან თელავის ქუჩის გადაკვეთამდე არსებულ საგზაო მონაკვეთში, რის შემდეგაც, მოძრაობას ბოჭორმისა და კაჩინსკის ქუჩების მიმართულებით განაგრძობენ, ხოლო კაჩინსკისა და ქეთევან დედოფლის გამზირის გადაკვეთიდან უკვე არსებული სქემით იმოძრავებენ“,- აღნიშნულია მერიის განცხადებაში.
კობახიძე ირწმუნება, რომ 2020 წლის შემდეგ სიღარიბე 0.5 მილიონზე მეტმა ადამიანმა დაძლია
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
უკრაინამ ყირიმის ხიდს შეუტია
საქართველოს ბანკმა 2026 წლის კორპორატიული სოციალური პასუხისმგებლობის ანგარიში გამოაქვეყნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



