სამივე ქვეყნის შემთხვევაში, აშშ როგორც სტრატეგიული პარტნიორი, მტკიცედ უჭერს მხარს მათ ევროპულ მისწრაფებებს,- ასე გამოეხმაურა აშშ-ის სახელმწიფო დეპარტამენტის სპიკერმი, ნედ პრაისმი საქართველოს, მოლდოვისა და უკრაინის ევროკავშირის კანდიდატის სტატუსის მიღებასთან დაკავშირებით დასმულ კითხვას.

პრაისის თქმით, აშშ გააგრძელებს მათ გვერდში დგომას.

„ამ სამივე ქვეყნის შემთხვევაში (საქართველო, მოლდოვა, უკრაინა), შეერთებული შტატები - როგორც სტრატეგიული პარტნიორი, მტკიცედ უჭერს მხარს ევროპულ მისწრაფებებს დაევროპულ ამბიციებს.

ჩვენ მათ გვერდით ვიდექით, როცა მათ დამოუკიდებლობის გზაზე გაიარეს იქ, სადაც ახლა არიან, ჩვენ გავაგრძელებთ მათ გვერდში დგომას, სანამ ისინი აგრძელებენ ამ გზას“,- განაცხადა პრაისმა.

შეგახსენებთ, რომ 25 მაისს საქართველოს ხელისუფლებამ ევროკავშირს მიმართა თხოვნით, რომ საქართველოსთვის ევროკავშირის წევრობის სტატუსი მიენიჭებინათ.

საქართველომ ევროკავშირის წევრობის განაცხადი 3 მარტს წარადგინა. 11 აპრილს კი ოფიციალურად გადაეცა თვითშეფასების კითხვარი. საქართველოს მთავრობამ კითხვარის პირველი, შევსებული ნაწილი ბრიუსელს 2 მაისს, ხოლო მეორე ნაწილი - 10 მაისს გაუგზავნა.

ავტორი: ექსპრესნიუსი,

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?