12:11 - 16 Nov, 2026
ჩვენ შესახებ რეკლამა/ხელმოწერა
2022-05-30 17:20:15, 1323 ნახვა

საზოგადოება
პროექტის "შრომის უსაფრთხოების დესპანები" ფარგლებში სხვადასხვა საგანმანათლებლო დაწესებულების სტუდენტებს მადლობის სიგელები გადაეცათ.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, განათლებისა და მეცნიერების სამინისტროსა და შრომის ინსპექციის სამსახურს შორის გაფორმებული სამმხრივი თანამშრომლობის მემორანდუმის საფუძველზე, საქართველოში მოქმედი უმაღლესი საგანმანათლებლო დაწესებულების მოხალისე სტუდენტები გადამზადდნენ და შესაბამისი ცოდნა მიიღეს სამუშაო ადგილებზე უსაფრთხოების ნორმების დაცვისა და მასთან დაკავშირებულ საკითხებზე. აღნიშნულის შესახებ ინფორმაციას ჯანდაცვის სამინისტრო ავრცელებს.

უწყების ცნობით, დასაქმებულთა და დამსაქმებელთათვის ცნობიერების ამაღლების მიზნით შრომის უსაფრთხოების დესპანებმა 1 212 ობიექტზე, 9200-მდე დასაქმებულს, მიაწოდეს ინფორმაცია უსაფრთხო სამუშაო გარემოს შესაქმნელად აუცილებელ საკითხებზე, მათ შორის კოვიდ 19-ს ვირუსის გავრცელების გზებსა და მისგან დაცვის საშუალებების შესახებ. 

„წარმატებულ სტუდენტებს შრომის ინსპექციის სამსახური საშუალებას აძლევს 3 თვიანი სტაჟირება გაიარონ უწყებაში“,- აღნიშნულია ჯანდაცვის განცხადებაში.

სტუდენტებს სიგელები გადასცეს ჯანდაცვის მინისტრის მოადგილემ თამილა ბარკალაიამ, განათლების მინისტრის მიადგილემ ნუნუ მიცკევიჩმა და შრომის ინსპექციის სამსახურის ხელმძღვანელმა ბექა ფერაძემ.





ავტორი: NS (სტატია დაფინანსებულია),


სოციალური ქსელები
კობახიძე ირწმუნება, რომ 2020 წლის შემდეგ სიღარიბე 0.5 მილიონზე მეტმა ადამიანმა დაძლია
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
უკრაინამ ყირიმის ხიდს შეუტია
საქართველოს ბანკმა 2026 წლის კორპორატიული სოციალური პასუხისმგებლობის ანგარიში გამოაქვეყნა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics