|
2022-05-26 14:03:14, 1075 ნახვა
საზოგადოება
ავთანდილ კასრაძე: რუსთაველის გამზირზე წარმოდგენილი ტექნოპარკის მინიმოდელი, ბავშვებს შეუძლიათ გაეცნონ მსოფლიოს ტექნოლოგიურ მიღწევებს
სხვადასხვა სივრცეებთან ერთად, რომლებიც საქართველოს დამოუკიდებლობის დღისადმი მიძღვნილი ღონისძიებების ფარგლებში თბილისში, რუსთაველის გამზირზეა წარმოდგენილი, ბავშვებისთვის განსაკუთრებით საინტერესოა ეკონომიკის სამინისტროს ინოვაციებისა და ტექნოლოგიების სააგენტოს პავილიონი, სადაც მათ აქვთ საშუალება, უშუალოდ გაეცნონ თანამედროვე ტექნოლოგიურ მიღწევებს და ისწავლონ ინოვაციური პროდუქტების შექმნა თუ პროგრამირება. „ყველას ვულოცავ საქართველოს დამოუკიდებლობის დღეს. დღევანდელი ღონისძიების ფარგლებში რუსთაველის გამზირზე წარმოვადგინეთ ტექნოპარკის ერთგვარი მინიმოდელი, სადაც, განსაკუთრებით ბავშვებს, შესაძლებლობა აქვთ, უშუალოდ იხილონ ის ტექნოლოგიური მიღწევები, რომლებიც დღეს მსოფლიოში არსებობს. აქ გვაქვს ლაბორატორიები, სადაც ტექნოლოგიების გამოყენებით ინოვაციური პროდუქტების შექმნას ვასწავლით, აქ არის წარმოდგენილი ვირტუალური რეალობის თამაში, რომლის გამოყენებითაც შეუძლიათ ვირტუალურ სამყაროში იმოგზაურონ, ასევე შევასწავლით რობოტების აწყობა-დაპროგრამებას. ამავე სივრცეშია სამრეწველო ინოვაციების ლაბორატორია-ფაბლაბი, 3D პრინტერით, 3D სკანერით და ა.შ. ეს არის სივრცე იმისთვის, რომ ბავშვებმა თავიდანვე გაიაზრონ, რომ ისინი არიან ტექნოლოგიური ეპოქის ნაწილები და როგორ შეიძლება ამ ტექნოლოგიების გამოყენებას მიეჩვიონ ბავშვობიდანვე, რათა შემდგომში მომავლის პროფესიებსაც დაეუფლონ" - აღნიშნა ინოვაციებისა და ტექნოლოგიების სააგენტოს ხელმძღვანელმა, ავთანდილ კასრაძემ. საქართველოს მთავრობის ორგანიზებით, დამოუკიდებლობის დღე ქვეყნის ყველა ქალაქში სადღესასწაულო ღონისძიებებით აღინიშნება. სხვა სახელმწიფო სტრუქტურებთან ერთად, ეკონომიკის სამინისტრო ღონისძიებებზე რამდენიმე ლოკაციით არის წარმოდგენილი, მათ შორის, თბილისში, ფოთში და მესტიაში. მთელი დღის განმავლობაში მსურველებს შესაძლებლობა ექნებათ დაათვალიერონ სააგენტოს „აწარმოე საქართველოში," ტურიზმის ეროვნული ადმინისტრაციის, საქართველოს ფოსტის, საზღვაო ტრანსპორტის სააგენტოს, ინოვაციებისა და ტექნოლოგიების სააგენტოს, საქართველოს სახელმწიფო ელექტროსისტემის, ნავთობისა და გაზის კორპორაციის, „საქრუსენერგოს," ენერგეტიკის განვითარების ფონდის, ნავთობისა და გაზის ტრანსპორტირების სივრცეები და პავილიონები.
კობახიძე ირწმუნება, რომ 2020 წლის შემდეგ სიღარიბე 0.5 მილიონზე მეტმა ადამიანმა დაძლია
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
უკრაინამ ყირიმის ხიდს შეუტია
საქართველოს ბანკმა 2026 წლის კორპორატიული სოციალური პასუხისმგებლობის ანგარიში გამოაქვეყნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



