|
2022-05-25 10:53:13, 885 ნახვა
საზოგადოება
პროკურატურაში დანაშაულებრივი გზით მოპოვებული ვირტუალური აქტივების ამოღების სახელმძღვანელოს პრეზენტაცია გაიმართა
საქართველოს გენერალურ პროკურატურაში დანაშაულებრივი გზით მოპოვებული ვირტუალური აქტივების (ე.წ. კრიპტო ვალუტა) ამოღების სახელმძღვანელოს პრეზენტაცია გაიმართა. გენერალური პროკურატურის ინფორმაციით, სახელმძღვანელო საქართველოს გენერალური პროკურატურის საგამოძიებო ნაწილში შექმნილმა სამუშაო ჯგუფმა აშშ-ის საელჩოს მხარდაჭერით და დახმარებით შეიმუშავა. ღონისძიება, საქართველოს გენერალური პროკურორის პირველმა მოადგილემ ბაკურ აბულაძემ გახსნა. მან მადლობა გადაუხადა ამერიკის შეერთებული შტატების საელჩოს დახმარებისთვის და აღნიშნა, რომ სახელმძღვანელოს შექმნის მიზანია სამართალდამცავი უწყებების წარმომადგენლებს, გამომძიებლებს, ჰქონდეთ შესაბამისი ცოდნა და გამოცდილება ვირტუალურ აქტივებთან დაკავშირებით და საჭიროების შემთხვევაში მისი ამოღება წარმატებით მოახდინონ. პრეზენტაციას ამერიკის შეერთებული შტატების იუსტიციის სახელმწიფო დეპარტამენტის რეზიდენტი მრჩეველი სამართლებრივ საკითხებში ლენა ოუენსი, აშშ-ის მართლმსაჯულების დეპარტამენტის და გამოძიების ფედერალური ბიუროს კიბერდანაშაულის გამოძიების სფეროში ექსპერტები, ამერიკის შეერთებული შტატების საელჩოს და საქართველოს პროკურატურის წარმომადგენლები ესწრებოდნენ. „ვირტუალური აქტივების სახელმძღვანელოში განხილულია ის საუკეთესო პრაქტიკები, რომელიც დაეხმარება პროკურორებს და გამომძიებლებს სათანადო პროცედურების დაცვით, ეფექტიანად ამოიღონ მესამე პირების მფლობელობაში არსებული დანაშაულებრივი გზით მოპოვებული ვირტუალური აქტივები. სახელმძღვანელოს შექმნის სამუშაო ჯგუფის ხელმძღვანელის ალექსანდრე მუყასაშვილის განცხადებით, ბოლო წლების განმავლობაში, ვირტუალური აქტივების პოპულარიზაციასთან ერთად გაიზარდა მისი გამოყენების არეალი დანაშაულებრივ საქმიანობაში, რის გამოც დღის წესრიგში დადგა საგამოძიებო ორგანოების მიერ დროული და ეფექტიანი რეაგირების აუცილებლობა ვირტუალური აქტივების მოძიებისა და ამოღების მიმართულებით. სახელმძღვანელო განკუთვნილია საგამოძიებო ორგანოების თანამშრომლებისთვის, რომლებსაც შეხება აქვთ დანაშაულებრივი გზით მოპოვებული ვირტუალური აქტივების ამოღებასთან“, - ნათქვამია პროკურატურის მიერ გავრცელებულ განცხადებაში.
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
უკრაინამ ყირიმის ხიდს შეუტია
საქართველოს ბანკმა 2026 წლის კორპორატიული სოციალური პასუხისმგებლობის ანგარიში გამოაქვეყნა
საგარეო უწყება – ევროკავშირის გაფართოების ფორუმსა და დაკავშირებადობის მინისტერიალზე საქართველოს შესაბამის დონეზე მიწვევა არ მიუღია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



