პოლონეთის მთავრობამ რუსეთიდან გაზის შესყიდვის ხელშეკრულება ვადაზე ადრე შეწყვიტა. აღნიშნულის შესახებ ინფორმაციას პოლონეთის სტრატეგიული ენერგეტიკული ინფრასტრუქტურის მთავრობის წარმომადგენლი პიოტრ ნაიმსკი ავრცელებს.

მისი თქმით, 13 მაისს პოლონეთის მთავრობამ დაამტკიცა რეზოლუცია რუსეთის მთავრობასთან 1993 წლის შეთანხმების დარღვევის შესახებ, რომელსაც 2022 წლის ბოლომდე უნდა ემოქმედა.

„30 წლის შემდეგ შეგვიძლია განვაცხადოთ, რომ გაზის ინდუსტრიაში ურთიერთობა პოლონეთსა და რუსეთს შორის შეწყდა“, - განაცხადა ნაიმსკიმ.

გარდა ამისა ნაიმსკიმ აღნიშნა, რომ გაზსადენის პოლონური მონაკვეთი გამოყენებული იქნება გაზის ტრანსპორტირებისთვის გერმანიიდან პოლონეთში.

შეგახსენებთ, რომ 1993 წლის 25 აგვისტოს დათარიღებული ხელშეკრულება გაზსადენის სისტემის შექმნის შესახებ რუსული გაზის ტრანზიტისთვის პოლონეთის ტერიტორიის გავლით და რუსული გაზის მიწოდების შესახებ რესპუბლიკაში, ბოლოს მხარეების მიერ 2010 წელს განახლდა. დოკუმენტები ითვალისწინებდა პოლონეთში რუსული გაზის მიწოდების მოცულობის ეტაპობრივ ზრდას 9,7 მილიარდი კუბური მეტრიდან, 2010, 2012 და შემდგომ წლებში კი 11 მილიარდ კუბურ მეტრამდე.

ამასთან გაზის კონტრაქტის ვადა 2022 წლის დეკემბერში უნდა დასრულებულიყო. თუმცა, აპრილში გაზპრომმა შეწყვიტა მიწოდება პოლონეთში. მანამდე კი რუსეთის გაზის მონოპოლიამ პირობების შეცვლა გადაწყვიტა და გადახდა რუბლებში მოითხოვა.

ავტორი: ექსპრესნიუსი,

სოციალური ქსელები

DRI - „რუსული კანონის“ საწინააღმდეგო აქციაზე ყველა დაკავებულის მიმართ ადგილი ჰქონდა ფიზიკურ ძალადობას

Reuters - უკრაინა აცხადებს, რომ რუსული ბომბდამშენი მათ ჩამოაგდეს

რუსთავის საკრებულოში „ოცნების“ ფრაქცია - მივმართეთ საკრებულოს თავმჯდომარეს, ჩანიშნოს სხდომა, რომელზეც ძირითად საკითხებად იქნება საკრებულოს თავმჯდომარის და მისი მოადგილეების გადაყენების საკითხი

დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა