ჩვენი მაქსიმალური უსაფრთხოება ომში ვერ იქნება, რადგან არასდროს შეგვეძლება რუსეთთან ომის მოგება,- ამის შესახებ საქართველოს პრეზიდენტმა, სალომე ზურაბიშვილმა საერთაშორისო გამოცემა Deutsche Welle-სთან ინტერვიუში განაცხადა. 

მისი თქმით, უკრაინა ზოგჯერ ბევრს ითხოვს პარტნიორებისაგან, მათ შორის საქართველოსგან და უხეში სიტყვებით საუბრობს. 

"ჩვენი მაქსიმალური უსაფრთხოება ომში ვერ იქნება, რადგან არასდროს შეგვეძლება რუსეთთან ომის მოგება. უკრაინელები ხანდახან მეტს ითხოვენ მათი პარტნიორებისგან, არა მხოლოდ საქართველოსგან. უხეში სიტყვები თქვეს პარტნიორებზე, მათ შორის ბლინკენზეც - არ მოიტანო შოკოლადები, შეიარაღება წამოიღეო,"- განაცხადა პრეზიდენტმა. 

სალომე ზურაბიშვილმა ასევე აღნიშნა, რომ უკრაინას სურს საქართველოსგან იარაღი მიიღოს, თუმცა ეს შესაძლებელი არ არის, რადგან ოკუპირებული ტერიტორიების ფონზე "ფრთხილად უნდა ვიყოთ".  

"მათ ასევე სურთ იარაღის მიღება საქართველოდან, მაგრამ ეს ყველაფერი არ არის შესაძლებელია. ასე მგონია, მთავრობა უფრო რეალისტურია იმის შესახებ, თუ რისი გაკეთება შეუძლია საქართველოს ამ ეტაპზე, რომელსაც ორი ტერიტორია ოკუპირებული აქვს. ასე რომ, აშკარად უნდა ვიყოთ ფრთხილად, რადგან ბევრი საშუალება არ გვაქვს და არავინ იქნება მზად საქართველოს მხარი დაუჭიროს იმავე გზით",- ამბობს სალომე ზურაბიშვილი. 

ავტორი: ექსპრესნიუსი,

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?