დამოუკიდებელი უკრაინის ტერიტორიაზე რუსეთის სრულმასშტაბიანი სამხედრო შეჭრის ფონზე, რუსეთის ფედერაციამ მარიუპოლიდან ნაწილი ჯარების გაყვანა დაიწყეს. ამის შესახებ ნათქვამია აშშ-ის თავდაცვის დეპარტამენტის ვებგვერდზე.

პენტაგონის ცნობით, ზოგიერთი რუსული შენაერთი ტოვებს მარიუპოლს და ჩრდილო-დასავლეთის მიმართულებით გადაადგილდება.

როგორც გამართულ ბრიფინგზე თავდაცვის დეპარტამენტის წარმომადგენელმა აღნიშნა, რუსი სამხედროები მარიუპოლს სრულად არ აკონტროლებენ და სწორედ ამიტომ ოკუპანტები აგრძელებენ როგორც სარაკეტო, ასევე საჰაერო დარტყმებს.

ოფიციალურმა წარმომადგენელმა ასევე დასძინა, რომ თუ ქალაქი მთლიანად იქნა აღებული, არ არის საჭირო მისი დაბომბვის გაგრძელება.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს