2022-04-26 18:04:39, 1564 ნახვა

---

პოდოლიაკი - რუსეთს სურს დნესტრისპირეთის რეგიონის დესტაბილიზაცია, ამიტომ უკრაინამ და მოლდოვამ ერთ გუნდად უნდა იმუშაონ

ღიარებულ დნესტრისპირეთზე თავდასხმები მიანიშნებს, რომ მოლდოვა "სტუმრებს" უნდა დაელოდოს. - ამის შესახებ უკრაინის პრეზიდენტის ადმინისტრაციის მრჩეველმა, მიხაილო პოდოლიაკმა განაცხადა.

მისივე თქმით,უკრაინამ და მოლდოვამ ერთ გუნდად უნდა იმუშაონ.

"რუსეთს სურს დნესტრისპირეთის რეგიონის დესტაბილიზაცია და მიანიშნებს, რომ მოლდოვა "სტუმრებს" უნდა დაელოდოს. ცუდი ამბავი: თუ ხვალ უკრაინა დაეცემა, რუსული ჯარები იქნებიან კიშინოვთან. კარგი ამბავი: უკრაინა აუცილებლად უზრუნველყოფს რეგიონის სტრატეგიულ უსაფრთხოებას. მაგრამ ჩვენ  უნდა ვიმუშაოთ, როგორც გუნდმა", -  განაცხადა პოდოლიაკმა.

შეგახსნებთ, რომ მოლდოვის პრეზიდენტი მაია სანდუ დნესტრისპირეთში დაძაბული ვითარების გამო უშიშროების საბჭოს სხდომას იწვევს.

ოკუპირებული რეგიონის მოსახლეობა მის ტერიტორიას მასობრივად ტოვებს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი