დიდი ბრიტანეთისა და ჩრდილოეთ ირლანდიის გაერთიანებულმა სამეფომ რუსეთს უკრაინაში შეჭრის გამო, ახალი სანქციები დაუწესა, - ამის შესახებ ინფორმაციას ბრიტანეთის მთავრობა ვებგერდზე აქვეყნებს..

„დონეცკის და ლუგანსკის რეგიონებში პუტინის თავდასხმის განახლებისა და მარიუპოლში კრიტიკული და სამოქალაქო ინფრასტრუქტურის განზრახ დაბომბვის შესახებ დაზვრევის ანგარიშების შემდეგ, დიდი ბრიტანეთის საგარეო და თანამეგობრობის საქმეთა და განვითარების სახელმწიფო მდივანმა ელიზაბეტ ტრასმა დღეს გამოაცხადა სანქციების ახალი ტალღა. ასე რომ, უკრაინაში გაგრძელებული აგრესიის საპასუხოდ, ბრიტანეთის მთავრობა ახორციელებს ახალ შემაკავებელ ზომებს რუსული არმიის ლიდერების წინააღმდეგ, რომლებიც ბრძანებებს აძლევენ საშინელი მოქმედებების ჩადენას ფრონტის ხაზზე,“ - აღნიშნულია განცხადებაში.

გავრცელებულ ინფორმციაში ნათქვამია, რომ სანქციები დაწესებულია 64-ე ცალკეული მოტომსროლელი ბრიგადის მეთაურის აზატბეკ ომურბეკოვის მიმართ, რომელიც მონაწილეობდა ბუჩას ხოცვა-ჟლეტაში, რუსეთის საჰაერო სადესანტო ძალების მეთაურის, გენერალ-პოლკოვნიკ ანდრეი სერდიუკოვის მიმართ და რუსეთის შეიარაღებული ძალების შტაბის უფროსის პირველი მოადგილე ნიკოლაი ბოგდანოვსკის მიმართ.

განცხადების მიხედვით, სანქცირებულთა სიაში არიან ის პირები, რომლებიც არ არიან დაკავშირებული რუს სამხედროებთან, მაგრამ აქტიურად უჭერდნენ მხარს უკრაინაში რუსული ჯარების უკანონო შეჭრას. მათ შორის ყოფილი სახალხო დეპუტატი ილია კივა და სს „რუსეთის რკინიგზის“ გამგეობის თავმჯდომარე ოლეგ ბელოზეროვი.

სანქციები ასევე დაწესებულია კალაშნიკოვის კონცერნის, არზამასის მანქანათმშენებლობის ქარხნის, სამხედრო ინდუსტრიული კომპანიის ჰოლდინგის და სატრანსპორტო სალიზინგო კომპანიის წინააღმდეგ.

შეგახსენებთ, რომ მანამდე Bloomberg-მა განაცხადა, რომ დიდი ბრიტანეთი სანქციების ახალ პაკეტს აწესებს რუსეთის წინააღმდეგ. პრემიერ-მინისტრ ბორის ჯონსონის მთავრობა კოორდინაციას უწევს G7-ის სხვა ქვეყნებსა და ევროკავშირს. ევროკავშირმა ასევე უნდა გამოაცხადოს სანქციების შემდეგი, მეექვსე რაუნდი საფრანგეთის საპრეზიდენტო არჩევნების მეორე ტურის დასრულების შემდეგ.

ავტორი: ექსპრესნიუსი,

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს