უკრაინის პრეზიდენტი ვოლოდიმირ ზელენსკი თვლის, რომ საფრანგეთის პრეზიდენტმა ემანუელ მაკრონმა და მისმა ქვეყანამ უნდა გააკეთოს არჩევანი ბიზნესსა და ფულსა ან „თავისუფლებისთვის ბრძოლას“ შორის.ამის შესახებ ზელენსკიმ ფრანგულ საინფორმაციო არხ BFM TV-სთან ინტერვიუში განაცხადა.

პრეზიდენტმა აღნიშნა, რომ უკრაინასა და საფრანგეთს შორის ურთიერთობა გაუმჯობესდა,მაკრონთან პირადი კონტაქტების გამო.

„დღეს მე ვთვლი, რომ მსოფლიოში ბევრი ლიდერი უნდა იყოს აქ, ადგილზე, რათა სრულად დააფასოს და გაიგოს რა არის  გენოციდი. მე ემანუელ მაკრონს, ისევე როგორც ყველა ლიდერს, ვიწვევ. ვფიქრობ, მისთვის ეს ძალიან რთულია, რადგან საფრანგეთში ბევრი ბიზნესი იყო ორიენტირებული  რუსეთიდან შემოსულ ფულზე. ეს გამოწვეულია რუსეთისა და საფრანგეთის ისტორიით. ჩვენ გვესმის, რომ  რუსული ელიტა  ისვენებს საფრანგეთში... ყველას ესმის რუსული ფულის, ოლიგარქების, ბიზნესის გავლენა საფრანგეთზე.მაგრამ პრეზიდენტმა მაკრონმა და საფრანგეთმა უნდა აირჩიონ: ბიზნესი  და ფული ან ისტორია და ბრძოლა თავისუფლებისთვის, ადამიანის უფლებებისთვის, სამართლიანობისთვის, სიცოცხლისთვის,"- განაცხადა ვოლოდიმირ ზელენსკიმ.

შეგახსენებთ, რომ 13 აპრილს მაკრონმა ტელეკომპანია France 2-ის ეთერში უკრაინაში რუსული არმიის ქმედებებს გენოციდი უწოდა. საფრანგეთის პრეზიდენტმა დასმულ კითხვაზე, აშშ-ის პრეზიდენტის ჯო ბაიდენის მსგავსად გამოიყენებდა თუ არა ტერმინ „გენოციდს“ რუსული არმიის მიერ უკრაინელების მკვლელობის აღსანიშნავად ასე უპასუხა „დღეს ასეთ ტერმინებს ფრთხილად ვიქნებოდი, რადგან ეს ორი ერი ძმებია.17 აპრილს ზელენსკიმ მაკრონი მიიწვია უკრაინაში, რათა გაეგო, რომ „ეს არის გენოციდი და არა მხოლოდ ომი.“

ავტორი: ექსპრესნიუსი,

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს