უკრაინას რომ ყველა საჭირო იარაღზე  წვდომა ჰქონდეს, რომელიც მას სჭირდება და რომელიც შეედრება რუსეთის ფედერაციის მიერ გამოყენებულ იარაღს, მაშინ ეს ომი უკვე დაასრულებული იქნებოდა,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

უკრაინის პრეზიდენტის თქმით, სათანადო შეიარაღების შემთხვევაში ქვეყნის სამხედრო ძალები უკვე გაათავისუფლებდნენ ტერიტორიას და დააბრუნებდნენ მშვიდობას, რადგან მათი უპირატესობა ტაქტიკაში და სიბრძნეში აშკარაა.

ამასთან ერთად, ზელენსკიმ ხაზი გაუსვა იმასაც, რომ უკრაინის პარტნიორებს აქვთ ის საბრძოლო მასალა, რომელიც ახლა ქვეყანას სჭირდება, მათი მორალური მოვალეობაა დაეხმარონ თავისუფლების დაცვას და ათასობით უკრაინელის სიცოცხლის გადარჩენას.

„ჩვენ რომ მიგვეღო ის, რასაც ახლა ვიღებთ, ომის პირველ კვირაში, სარგებელი უკრაინისთვის და თავისუფლებისთვის ევროპაში უფრო დიდი იქნებოდა. და თუ ახლავე მივიღებთ იმას, რის გადმოცემასაც გეგმავს ზოგიერთი პარტნიორი უახლოეს კვირებში, ეს გადაარჩენს ათასობით, ათასობით ადამიანის სიცოცხლეს. ნებისმიერი შეფერხება იწვევს იმ ფაქტს, რომ ოკუპანტებს მეტი უკრაინელი ხალხის მოკვლის შესაძლებლობა უჩნდება“, - აღნიშნა ზელენსკიმ.

შეგახსენებთ, რომ მანამდე უკრაინის საგარეო საქმეთა მინისტრმა დმიტრო კულებამ მსოფლიო ლიდერებს მიმართა და მოუწოდა, რომ მიებაძათ აშშ-სთვის და გაეზარდათ უკრაინაში იარაღის მიწოდება.

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს