ძალიან მიხარია, რომ უკრაინასა და საქართველოს შორის არსებული მცირე გაუგებრობები დასრულდა, - ამის შესახებ უკრაინის რადის თავმჯდომარე, რუსლან სტეფანჩუკი შალვა პაპუაშვილთან საუბრის შემდეგ, სოცალურ ქსელში წერს. 

მისი თქმით, საქართველოს პარლამენტის თავმჯდომარემ გამოთქვა სურვილი ეწვიოს უკრაინას, რაც საშუალებას მისცემს საკუთარი თვალით ნახონ, თუ რა ხდება უკრაინაში და დაადასტურონ მეგობრული ურთიერთობა. 

"პარლამენტის თავმჯდომარემ, შალვა პაპუაშვილმა პარლამენტის დელეგაციასთან ერთად, ვიზიტის სურვილი დაადასტურა. ძალიან მიხარია, რომ უკრაინასა და საქართველოს შორის არსებული მცირე გაუგებრობები დასრულდა.ეს ვიზიტი საშუალებას მისცემს საქართველოს პარლამენტის წევრებს, საკუთარი თვალით ნახონ, თუ რა ხდება უკრაინაში და დაადასტურებს ჩვენს მეგობრულ ურთიერთობას! მე დარწმუნებული ვარ, რომ ჩვენ გამოვძებნით შეხების წერტილებს, რათა გავაგრძელოთ ჩვენი ნათელი მომავლის ერთად შენება. ჩვენ ბევრად მეტი გვაქვს ის, რაც გვაერთიანებს, ვიდრე ის, რაც გვყოფს",- წერს სტეფანჩუკი. 

ცნობისთვის, დღეს, პარლამენტის თავმჯდომარემ, შალვა პაპუაშვილმა განცხადა, რომ უკრაინის უმაღლესი რადას თავმჯდომარე რუსლან სტეფანჩუკთან ინტენსიური კომუნიკაცია ჰქონდა, რის შემდეგაც უკრაინაში ჩასვლის გადაწყეტილება მიიღო. მისი თქმით, ამ ვიზიტით არსებობს ყველა უხერხულობის და გაუგებრობის მოგვარების შესაძლებლობა. 

ავტორი: ექსპრესნიუსი,

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?