დაცვა ამბობს რომ ბრალდება ცდილობს თეთრზე დაამტკიცოს შავი, მე გეტყვით რა არის ნათელი და ბნელი. ნიკო კვარაცხელია არის ნათელი, რომელმაც ამ მოკლე ცხოვრებაში მოახერხა და შექმნა დიდებული რამ, ბნელი არის ის ქმედება რაც ჩაიდინეთ თქვენ, - ამის შესახებ ნიკო კვარაცხელიას  საქმის პროკურორმა, გია შაიშმელაშვილმა სასამართლო პროცესის მიმდინარეობისას განაცხადა. 

პროკურორმა დაცვის მხარის დასკვნითი სიტყვის შემდეგ რეპლიკით ისარგებლა. ის ადვოკატების განმარტებას გამოეხმაურა ბრალდებულ გიორგი კავილაძესთან დაკავშირებით, რომ ის "შოკურ მდგომარეობაში" იმყოფებოდა.

"შოკური მდგომარეობა მესმის 5 წუთი, ნახევარი საათი, 21 დღე იყო შოკურ მდგომარეობაში? პოლიციელების დანახვაზე გაიქცა. რომელ მოტივზე უნდა გვესაუბრა? ვეკითხებით მოტივს და იმის ნაცვლად, სასამართლოში მაინც თქვან სიმართლე, გარდაცვლილს აყენებენ შეურაცხყოფას - "მექალთანე, მშიშარა, არაფრისმაქნისი". თითო ჩანთა ტანსაცმელი ჰქონდათ მომზადებული, რომ გაქცეულიყვნენ. თბილისიდან ბორჯომში წასასვლელად პასპორტები არ მიაქვთ, იქ საბაჟო არ არის. ესენი მთელი ამ ხნის განმავლობაში მობილიზებული იყვნენ, ტანსაცმლით, ფულით, პასპორტით. ეს სრულიად სამართლიანი ბრალდებაა და პასუხი უნდა აგოთ ორივე ბრალდებულმა! ყველამ თავისი როლი შეასრულა კონკრეტულ მოქმედებაში, მკაცრად გადანაწილებული როლები ჰქონდათ - ვინ საჭესთან, ვინ იარაღთან და მივიღეთ ეს შედეგი.

დაცვის მხარემ თქვა, ბრალდების მხარე ცდილობს თეთრზე თქვას შავიაო. მე გეტყვით, ნათელსა და ბნელზე. ნათელი იყო ნიკო კვარაცხელია, რომელმაც თავისი ხანმოკლე ცხოვრებით უდიდესი რამე გააკეთა და ბნელია მათი მოქმედებები, რაც გააკეთეს",- განაცხადა შაიშმელაშვილმა.

მისივე თქმით, არც ბრალდებულებს და არც ადვოკატებს არ დაუსახელებიათ გოგონას ვინაობა, რომლის გამოც მოკლა აკო ჭელიძემ ნიკა კვარაცხელია.

ავტორი: ექსპრესნიუსი,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა