ბოლნისის რაიონულმა სასამართლომ, პროკურატურის მიერ წარდგენილი მტკიცებულებების საფუძველზე, „ქურდული სამყაროს" წევრობასა და „ქურდული სამყაროს" საქმიანობის მხარდაჭერაში ბრალდებული რვა პირი დამნაშავედ ცნო.

"პროკურატურის მიერ სასამართლო პროცესზე წარდგენილი მტკიცებულებებით დადასტურდა, რომ ი.გ., თ.ნ., გ.ჯ., ა.ჯ. და ზ.ა. ცნობდნენ და აღიარებდნენ „ქურდული სამყაროს" მიერ დადგენილ, თვითაღიარებულ სპეციალურ წესებს და დანაშაულებრივ კავშირში იმყოფებოდნენ „კანონიერ ქურდებთან" და „ქურდული სამყაროს" სხვა წევრებთან. ისინი აქტიურად მოქმედებდნენ „ქურდული სამყაროს" მიზნების განსახორციელებლად, მათ შორის, კონკრეტული დავების „ქურდული წესით" გადასაწყვეტად და ძალადობრივი ქმედებების განსახორციელებლად „ქურდული სამყაროს" საქმიანობის მხარდამჭერებს დანაშაულებრივ დაკვეთას აძლევდნენ. გ.რ., ნ.ი., და ბ.ა. გამოხატავდნენ რა „ქურდული სამყაროს" საჯარო მხარდაჭერას, აქტიური ქმედებებით ხელს უწყობდნენ „ქურდული სამყაროს" საქმიანობის განხორციელებას და ასრულებდნენ დანაშაულებრივ დაკვეთებს.

ბოლნისის რაიონულმა სასამართლომ დამნაშავედ ცნო - გ.ჯ., ი.გ., თ.ნ. და ზ.ა.  „ქურდული სამყაროს" წევრობისთვის და სასჯელის სახედ და ზომად, გ.ჯ.-ს 8 წლით, ი.გ. - ს 7 წლით და 6 თვით, თ.ნ. - ს 7 წლით, ხოლო ზ.ა.-ს 8 წლით და 1 თვით თავისუფლების აღკვეთა მიუსაჯა.

ა.ჯ. დამნაშავედ იქნა ცნობილი ქურდული სამყაროს წევრობის, დიდი ოდენობით ქონების მიღების მიზნით გამოძალვისა და ნარკოტიკული საშუალების უკანონოდ შეძენა/შენახვისთვის და 8 წლით და 6 თვით თავისუფლების აღკვეთა განესაზღვრა;

გ.რ., ნ.ი. და ბ.ა. დამნაშავედ იქნენ ცნობილნი „ქურდული სამყაროს" საქმიანობის მხარდაჭერისთვის და სასჯელის სახედ და ზომად, გ.რ.-ს 5 წლით, ნ.ი.-ს 3 წლით და 6 თვით, ხოლო ბ.ა.-ს 3 წლით თავისუფლების აღკვეთა განესაზღვრათ.

საქართველოს პროკურატურა მსგავსი კატეგორიის საქმეებზე მკაცრ სისხლის სამართლის პოლიტიკას ატარებს, რასაც მომავალშიც გააგრძელებს." - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა