რუსი ოკუპანტების მიერ მარიუპოლიდან 12 წლის გოგონას გატაცების ფაქტზე უკრაინის პოლიციამ გამოძიება დაიწყო. - ამის შესახებ ინფორმაციას უკრაინის გემნპროკურატურა ადასტურებს.

გამოძიების ცნობით, ომის დაწყებისას ბავშვი მამასთან ერთად მარიუპოლში იმყოფებოდა. 17 მარტს მათ სახლს ჭურვის დაეცა, რის შედეგადაც მამაკაცი დაიღუპა.

"გოგონა სხვა ადგილობრივებთან ერთად ცდილობდა ევაკუაციას, როდესაც ნაღმის აფეთქების შედეგად დაშავდა. ამის შემდეგ ბავშვი რუსეთის შეიარაღებული ძალების წარმომადგენლებმა გაიტაცეს და ოკუპირებულ დონბასში გადაიყვანეს", - ნათქვამია პროკურატურის განცხადებაში.

ცნობილია, რომ გოგონას გაუჩინარების შესახებ პოლიციას ბაბუამ შეატყობინა, რომელიც ჩერნივცის ოლქში ცხოვრობს.

ამასთან დაკავშირებით, ჩერნივცის საოლქო პროკურატურამ  გამოძიება ომის კანონებისა და წეს-ჩვეულებების დარღვევის ფაქტზე დაიწყო.

TSN-ის ცნობით, გატაცებული ბავშვი წყალბურთის უკრაინელი ჩემპიონის, ევგენ ობედინსკის ქალიშვილია. 12 წლის კირას დედა მაშინ გარდაიცვალა, როდესაც ის ჯერ კიდევ ჩვილი იყო.

ამ დროისთვის გოგონა დონეცკის კალინინის სახელობის საავადმყოფოში იმყოფება. ბავშვთან საუბარი ბაბუამ სკაიპის საშუალებით შეძლო.  ბაბუას ეშინია, რომ კირა შეიძლება სხვა ადგილას გადაიყვანონ ან ბავშვთა სახლში გაგზავნონ.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს