უკრაინა მისი უსაფრთხოების გარანტიების შესახებ შეერთებულ შტატებთან, ბრიტანეთთან, გერმანიასთან, საფრანგეთთან და თურქეთთან მოლაპარაკებებს აწარმოებს. ამის შესახებ საგარეო საქმეთა მინისტრმა, დიმიტრი კულებამ ესპანურ გამოცემა El Pais-თან ინტერვიუში განაცხადა, რომელსაც UNIAN ციტირებს.

დიმიტრო კულებამ აღნიშნა, რომ მოლაპარაკებებთან დაკავშირებით, მოსკოვი უკრაინისგან მიუღებელ დათმობებს ითხოვს, უკრაინა კი მხოლოდ სამი რამით არის დაინტერესებული - უსაფრთხოების გარანტიები, ტერიტორიული მთლიანობის აღიარება ყირიმისა და დონბასის ფარგლებში და ცეცხლის შეწყვეტა და მტრის ჯარების გაყვანა

უკრაინის საგარეო საქმეთა მინისტრის თქმით, უკრაინამ უსაფრთხოების გარანტიები უნდა მიიღოს არა მხოლოდ რუსეთისგან, არამედ სხვა ქვეყნებიდანაც.

დიმიტრო კულებამ ასევე განმარტა, თუ რას გულისხმობდა იგი „უსაფრთხოების გარანტიებში“.

„ესპანეთის, როგორც ნატო-ს წევრის უსაფრთხოების გარანტია არის მე-5 მუხლი, სადაც ნათქვამია, რომ თუ ვინმე თავს დაესხმება მას, ყველა სხვა წევრი (ალიანსის. - რედ.) დაიცავს მას. ჩვენ გვინდა რაღაც მსგავსი. ანუ, თუ ვინმე თავს ესხმის უკრაინას, ქვეყნებს, რომლებიც უზრუნველყოფენ უსაფრთხოების გარანტიებს, მოუწევთ 24 საათის განმავლობაში გამოაგზავნონ ყველა საჭირო იარაღი, მიიღონ გაეროს უშიშროების საბჭოს რეზოლუცია აგრესიის შეჩერებისა და სანქციების დაწესების მოთხოვნით“, - უპასუხა კულებამ.

ამასთან დაკავშირებით უკრაინა მოლაპარაკებებს აწარმოებს შეერთებულ შტატებთან, დიდ ბრიტანეთთან, გერმანიასთან, საფრანგეთთან და თურქეთთან.

„ისინი დადებითად უყურებდნენ ამ იდეას. ჯერ კიდევ განიხილება, მაგრამ კმაყოფილი ვარ პირველი რეაქციით", - განაცხადა დიმიტრო კულებამ.

ავტორი: ექსპრესნიუსი,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო