2022-03-24 18:16:10, 719 ნახვა
მსოფლიო
NATO აღმოსავლეთით თავდაცვის გაძლიერებაზე შეთანხმდა
ნატო-ს ლიდერები შეთანხმდნენ, რომ ნატო გააძლიერებს თავდაცვას აღმოსავლეთში, უკრაინაში რუსეთის შეჭრის საპასუხოდ.
„ჩვენ გავააქტიურეთ ნატო-ს თავდაცვის გეგმები, განვათავსეთ ნატო-ს საპასუხო ძალების ელემენტები და 40 000 ჯარისკაცი ჩვენს აღმოსავლეთ ფლანგზე”, - წერია ნატო-ს ლიდერების ერთობლივ განცხადებაში.
„ჩვენ ვზრდით ჩვენი საზოგადოებების და ჩვენი ინფრასტრუქტურის გამძლეობას რუსეთის მავნე გავლენის დასაპირისპირებლად. მათ შორის კიბერშეტევების წინააღმდეგ", - ნათქვამია განცხადებაში.
ამასთან, ნატო რუსეთს ომის დაუყოვნებელივ დასრულებისკენ, ბელარუსს კი ამ ომში თანამონაწილეობის შეჩერებისკენ მოუწოდებს.
ავტორი: ექსპრესნიუსი,
epn.ge (@expressnews.ge)
