უკრაინის პრეზიდენტმა ვლადიმირ ზელენსკიმ საფრანგეთის პარლამენტს მოუწოდა, დაეხმაროს უკრაინას და არ დააფინანსოს რუსული ომი.

უკრაინული მედიის ცნობით, მან საფრანგეთს მოუწოდა, რომ ქვეყანა უკრაინისა და მთელი მსოფლიოსთვის უსაფრთხოების ერთ-ერთი გარანტი გამხდარიყო.

„ჩვენ გვჭირდება გარანტიები, რომ უსაფრთხოება იქნება ურყევი და ნამდვილად არ იქნება ომი. და საერთოდ, ომები შეუძლებელი იქნება. ჩვენ ვქმნით უსაფრთხოების ისეთ ახალ სისტემას, რომელშიც საფრანგეთი, მჯერა, რომ მონაწილეობას მიიღებს. უკრაინა ხედავს, რომ საფრანგეთი, როგორც ყოველთვის აფასებს თავისუფლებას და თქვენ მას იცავთ. გახსოვთ რა არის თავისუფლება, თანასწორობა, ძმობა. თითოეული ეს სიტყვა სავსეა ძალით. მე ვგრძნიბ ამას, უკრაინა გრძნობს ამას. ამიტომ, ჩვენ ველით საფრანგეთისგან, თქვენი ლიდერისგან, რომ თქვენ შეგიძლიათ აიძულოთ რუსეთს მშვიდობისკენ, რომ დავასრულოთ ეს ომი თავისუფლების, თანასწორობისა და ძმობის წინააღმდეგ“, - განაცხადა ვოლოდიმირ ზელენსკიმ.

საფრანგეთის პარლამენტმა, უკრაინის პრეზიდენტის თხოვნის შესაბამისად, უკრაინაში, რუსეთის საოკუპაციო ჯარების შეჭრის შედეგად დაღუპული უკრაინელების ხსოვნას წუთიერი დუმილით, პატივი მიაგო.

მან საფრანგეთის პარლამენტს მოუწოდა, დაეხმაროს უკრაინას შეიარაღებაში. ასევე, მოამზადოს სანქციების მორიგი პაკეტი რუსეთის წინააღმდეგ და არა დაფინანსოს უკრაინაში მიმდინარე ომი, ფრანგული კომპანიების მეშვეობით.

„ჩვენ თქვენგან, საფრანგეთისგან და თქვენი ლიდერისგან ველით, რომ შეძლებთ რუსეთის მშვიდობისკენ მობრუნებას. ჩვენ ველით, რომ აღდგება ტერიტორიული მთლიანობა. ამას ერთად შევძლებთ“, - განაცხადა ვოლოდიმირ ზელენსკიმ.

ავტორი: ექსპრესნიუსი,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო