გაეროს ბავშვთა ფონდის (UNICEF) თანამშრომელმა BBC-ს განუცხადა, რომ ალყაში მოქცეული მარიუპოლის მაცხოვრებლებს სასოწარკვეთილად სჭირდებათ ჰუმანიტარული დახმარება, მაგრამ რუსი სამხედროების მუდმივი დაბომბვა ჰუმანიტარული მისიების მუშაობას თითქმის შეუძლებელს ხდის.

ჯო ინგლიშმა, რომელიც ესაუბრა BBC Breakfast-ის წამყვანებს ლვოვიდან, თქვა, რომ მას "არ ჰქონდა საკმარისი სიტყვები, რათა აღეწერა" სიტუაციის სიმძიმე ქალაქში. მისი თქმით, ბევრი ჰუმანიტარული მუშაკი აღმოჩნდება ცეცხლის ხაზზე, როცა დახმარების გაწევას ცდილობდა.

„როგორც ჰუმანიტარული დერეფნების მაგალითებიდან ვხედავთ, მიმდინარეობს მათი კოორდინაცია, მაგრამ რეალობა ადგილზე შეიძლება სრულიად განსხვავებული აღმოჩნდეს“, - განაცხადა მან.

მან ხაზგასმით აღნიშნა, რომ დახმარების გაწევის პრობლემა ეხება არა მხოლოდ ხალხის ევაკუაციას, არამედ ჰუმანიტარული დახმარების გაწევას მათთვის, ვინც ვერ ტოვებს ქალაქს.

მან უკრაინაში შექმნილი მდგომარეობა განსაცვიფრებელი უწოდა.

„გუშინ გავიცანი ბავშვი, სახელად დანილო, რომელსაც აქვს T-უჯრედოვანი ლეიკემია, – თქვა მან, – ამ ბავშვს განსაკუთრებული სამედიცინო დახმარება სჭირდება და აქ ვერ ხვდება. მაგრამ ასეთ ამბებს ყოველდღე გვესმის. წინა დღეს ეს იყო 15 წლის ანდრეი, რომელიც ნაღმის აფეთქების შედეგად დაშავდა და დედა დაკარგა, წინა დღით ეს იყო გოგონა, ანა, რომელიც 10 კვირისაა. ანას აქვს გულის დეფექტი და საჭიროებს მნიშვნელოვან სამედიცინო დახმარებას და დედამისს არ უგრძვნია, რომ შეეძლო ამის უზრუნველყოფა“, - დასძინა მან.

უკრაინის ხელისუფლების ცნობით, სულ მცირე 115 ბავშვი დაიღუპა და 140-ზე მეტი დაშავდა უკრაინაში რუსეთის შეჭრის დაწყების შემდეგ.

ავტორი: ექსპრესნიუსი,

სოციალური ქსელები

მედიასაშუალებებმა გაამჟღავნეს flydubai-ს პილოტის ვინაობა, რომელმაც ბორტზე ტერორისტული თავდასხმის განხორციელება სცადა

ტრამპმა ამერიკელებს ალაბამაში ახალი ხიდისთვის მისი სახელის დარქმევა შესთავაზა

დღეს საკრებულოს შუალედური არჩევნები იმართება, ხმის მიცემა დაიწყო

უკრაინაში მყოფმა დასავლელმა დიპლომატებმა საელჩოების კიევიდან ლვოვში გადატანის საკითხის განხილვა დაიწყეს