2022-03-09 15:16:56, 607 ნახვა

---

ევროკავშირში რუსეთისთვის ახალი სანქციების დაწესებასა და 3 ბელარუსული ბანკის SWIFT-ის სისტემიდან გარიცხვაზე შეთანხმდნენ

ევროკავშირის წევრი ქვეყნების მუდმივ წარმომადგენელთა კომიტეტი შეთანხმდა სამი ბელარუსული ბანკის SWIFT-ის სისტემიდან გამორიცხვაზე. აღნიშნულის შესახებ საფრანგეთის წარმომადგენლობითი დელეგაციის „ტვიტერის“ გვერდზე დაიწერა.

„მიღებული ზომები მიმართულია SWIFT-ის სისტემიდან სამი ბელარუსული ბანკის გათიშვისკენ“, - აღნიშნულია განცხადებაში.

საფრანგეთის წარმომადგენლებმა ასევე აღნიშნეს, რომ ევროკავშირის ახალი სანქციები რუსეთის წინააღმდეგ კრიპტოვალუტის ბაზარსაც შეეხება.

გარდა ამისა, ევროკავშირის მუდმივი წარმომადგენლები შეთანხმდნენ მოამზადონ სანქციათა ახალი პაკეტი რუსეთის ხელისუფლებისა და ქვეყნის უმსხვილესი ბიზნესმენების წინააღმდეგ.

„რუსეთის ლიდერებისა და ოლიგარქების, მათი ოჯახის წევრების წინააღმდეგ ახალი სანქციები დამტკიცდება. გარდა ამისა, შეთანხმებული იქნა სანქციები იმასთან, რათა შევავსოთ და შევუსაბამოთ ჩვენი ზომები უკვე დაწესებულ შეზღუდვებს“,- აღნიშნულია საფრანგეთის წარმომადგენლობის განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი