2022-03-08 15:35:16, 980 ნახვა
მსოფლიო
BBC-ის ინფორმაციით, რუსმა ოკუპანტებმა მარიუპლის „ჰუმანიტარული დერეფანი“ დაბომბეს
უკრაინის საგარეო საქმეთა სამინისტროს სპიკერმა, ოლეგ ნიკოლენკომ განაცხადა, რომ რუსმა საოკუპაციო ძალებმა ქალაქ მარიუპლსა და ზაპორიჟჟიას შორის მდებარე ჰუმანიტარული დერეფანი დაბომბეს. აღნიშნულის შესახებ BBC News იუწყება.
გავრცელებული ინფორმაციით, მშვიდობიანი მოსახლეობა ქალაქში, თითქმის ერთი კვირაა წყლისა და ელექტროენერგიის გარეშე ცხოვრობს. გამოცემის ცნობით, ადგილობრივებს საკვების მარაგიც ეწურებათ.
ოლეგ ნიკოლენკოს თქმით, მარიუპოლში ჰუმანიტარული დახმარების მისაწოდებლად და ზაპორიჟჟიაში მშვიდობიანი მოსახლეობის ევაკუაციისთვის, რვა სატვირთო მანქანა და 30 ავტობუსი გაიგზავნა.
ავტორი: ექსპრესნიუსი,
epn.ge (@expressnews.ge)
