2022-02-26 15:01:58, 486 ნახვა

---

სალომე ზურაბიშვილმა და ემანუელ მაკრონმა უკრაინის სუვერენიტეტის წინააღმდეგ მიმართული რუსული აგრესიის გამო შეშფოთება გამოთქვეს

საქართველოს პრეზიდენტ სალომე ზურაბიშვილსა და საფრანგეთის პრეზიდენტს, ემანუელ მაკრონს შორის სატელეფონო საუბარი შედგა.

როგორც პრეზიდენტის ადმინისტრაციის პრესსამსახურში განაცხადეს, საუბარი შეეხო უკრაინაში მიმდინარე მოვლენებს.

„პრეზიდენტებმა შეშფოთება გამოთქვეს უკრაინის სუვერენობის წინააღმდეგ მიმართული რუსული აგრესიის გამო.

საფრანგეთის პრეზიდენტმა ასევე კიდევ ერთხელ ხაზგასმით აღნიშნა, რომ ამ მძიმე ვითარებაში, ის მხარს უჭერს საქართველოს ტერიტორიულ მთლიანობას და სუვერენიტეტს.

პრეზიდენტებმა საუბრისას ხაზი გაუსვეს გაეროსა და სხვა საერთაშორისო ფორმატებში ჩვენი ერთიანი პოზიციის მნიშვნელობას.

საუბრის ბოლოს კი პრეზიდენტმა მაკრონმა საქართველოს პრეზიდენტი უახლოეს დღეებში სამუშაო ვიზიტით პარიზში მიიწვია“, - ნათქვამია გავრცელებულ ინფორმაციაში. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი