საქართველოს პრეზიდენტის, სალომე ზურაბიშვილის ღონისძიების შემდეგ, „ქართული ოცნების“ თავჯდომარემ, ირაკლი კობახიძემ მედიასთან განაცხადება გააკეთა. მისი თქმით, მაშინ, როდესაც მიხეილ სააკაშვილი, გიგი უგულავა და სხვები ქურდობაში, წამებაში, ყაჩაღობაში, ტერიტორიების დათმობაში, მედიის მიტაცებაში, ბიზნესის რეკეტში არიან მხილებულები და ამის შემდეგ, მათ კიდევ აქვთ პოლიტიკოსად დაჩენის ამბიცია, შერიგებაზე საუბარი არის შეუძლებელია.

ირაკლი კობახიძის განცხადებით, მმართველი გუნდი მზადაა, როგორც წინა, ასევე ახლანდელი ხელისუფლების ნებისმიერი ფაქტობრივი მოცემულობა შეაფასონ, რათა გადაწყდეს, თუ ვის აქვს პოლიტიკაში დარჩენის მორალური უფლება.

„როდესაც სააკაშვილი, უგულავა და ასე შემდეგ, არიან ეჭვმიტანილები კიარა, მხილებულები ქურდობაში, წამებაში, ყაჩაღობაში, ტერიტორიების დათმობაში, მედიის მიტაცებაში, ბიზნესის რეკეტში და ასე შემდეგ და მათ კიდევ აქვთ პოლიტიკოსად არჩევის ამბიცია, ასეთ დროს, ბუნებრივია, შერიგებაზე საუბარი არის შეუძლებელი.

მზად ვართ ნებისმიერი ფაქტობრივი მოცემულობა შევაფასოთ, რაც უკავშირდება წინა ხელისუფლებას, რაც უკავშირდება ჩვენს ხელისუფლებას. ერთად დავსხდეთ, შევაფასოთ ყველაფერი და ამის მიხედვით განვსაზღვროთ, ვის აქვს მორალური უფლება დარჩეს პოლიტიკაში და ვის არა.

ქალბატონ სალომეს აქვს თავისი პოზიცია დაფიქსირებული ამასთან დაკავშირებით, მას აქვს რამდენჯერმე ნათქვამი, რომ არ აპირებს სააკაშვილის შეწყალებას... ხუთჯერ თქვა ადამიანმა, რომ არ აპირებს“, - აღნიშნა ირაკლი კობახიძემ.

ავტორი: ექსპრესნიუსი,

სოციალური ქსელები

გულშემატკივრობას საზღვარი არ აქვს - მოემზადე საქართველოს ნაკრების მხარდასაჭერად საქართველოს ბანკის Fan Card-თან ერთად

თიბისის მხარდაჭერით, ქართველი სტუდენტები ლისაბონის Web Summit-ზე გაემგზავრნენ

საქართველოს ბანკისა და LEAF-ის საერთაშორისო განათლების რეგიონული ტურის ფარგლებში მეორე შეხვედრა გორში ჩატარდა

ევროპელთა 70%-ზე მეტს ევროკავშირში საკუთარი არმიის შექმნა სურს