ირაკლი აბესაძის მტკიცებით, "სინათლის ქალაქი" სოფელ დიღომში გარე განათების დამონტაჟებას ტენდერის გარეშე გეგმავს

2015-02-03 15:50:33, 790 ნახვა

პოლიტიკა

თბილისის საკრებულოს ფრაქცია "ნაციონალური მოძრაობის" წევრის, ირაკლი აბესაძის მტკიცებით, შპს "სინათლის ქალაქი" სოფელ დიღომში გარე განათების დამონტაჟებას ტენდერის ჩატარების გარეშე გეგმავს.
მისივე თქმით, აღნიშნბული ქმედება სახელმწიფო შესყიდვის მოქმედ კანონმდებლობასთან შეუსაბამოა.
"ჩვენს ყურადღებას იპყრობს ის მანკიერი პროცესი, რომელიც დავით ნარმანიამ თბილისის მერიაში დაამკვიდრა. ეს არის სახელმწიფო შესყიდვების კანონმდებლობის გვერდის ავლით ტენდერის ჩაუტარებლად კონტრაქტების გაფორმება. მაგალითად, შპს "სინათლის ქალაქი" ითხოვს, რომ სოფელ დიღომში, გარე განათების მოწყობა მოხდეს ტენდერის გარეშე. ეს ნათლად ადასტურებს, რომ თბილისის მერიაში კორუფცია ფეხმოკიდებულია. რატომ შეიძლება იყოს ფორსმაჟორი და ერთი თვით ვერ მოიცადონ სოფელ დიღომში გარე განათების გასაკეთებლად? ამაზე პასუხი არ მაქვს",-აღნიშნა აბესაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან