2021-10-19 22:48:29, 1955 ნახვა
კომენტარი
იუსტიციის მინისტრი მიხეილ სააკაშვილზე – პატიმრის თანხმობის შემთხვევაში, ექიმების ყველა რეკომენდაცია შესრულდება
იუსტიციის მინისტრმა რატი ბრეგაძემ გამოთქვა სრული მზადყოფნა, შეასრულოს ყველა ის რეკომენდაცია, რომლებსაც ექიმების მულტიფუნქციური ჯგუფი ბრალდებულ/მსჯავრდებულ მიხეილ სააკაშვილის ჯანმრთელობის მდგომარეობის მონიტორინგის ფარგლებში გასცემს. როგორც რატი ბრეგაძემ მიხეილ სააკაშვილის უფლებრივი და ჯანმრთელობის მდგომარეობის მონიტორინგის ჯგუფის წევრებთან შეხვედრის შემდეგ განაცხადა, სამინისტრო მზადაა, რეკომენდაციების შესრულება ხვალიდანვე კანონმდებლობის სრული დაცვით დაიწყოს. „აბსოლუტურად ყველა რეკომენდაციის შესრულებას სჭირდება პატიმრის თანხმობა და, ბუნებრივია, მისი თანხმობის შემთხვევაში რეკომენდაციები იქნება შესრულებული. პატიმრის თანხმობის შემთხვევაში ექიმების მიერ გაწეული აბსოლუტურად ყველა რეკომენდაცია კანონმდებლობის სრული დაცვით შესრულდება", – განაცხადა რატი ბრეგაძემ. იუსტიციის მინისტრმა ამ ეტაპზე თავად ბრალდებულ/მსჯავრდებულ მიხეილ სააკაშვილის უფლებრივი მდგომარეობის დაცვის მიზნით კონკრეტული რეკომენდაციების გასაჯაროებისგან თავი შეიკავა, თუმცა, გამოთქვა მზადყოფნა მათი სრულყოფილად შესრულებისთვის. მინისტრმა, ასევე, ხაზგასმით აღნიშნა, რომ იუსტიციის სამინისტროს მიზანია, მიხეილ სააკაშვილის ჯანმრთელობის მდგომარეობა იყოს სტაბილური და საზოგადოებას ჰქონდეს ზუსტი და ობიექტური ინფორმაცია. „იუსტიციის სამინისტროს მიზანია, რომ პატიმრის უფლებრივი მდგომარეობის შესახებ საზოგადოებისთვის ხელმისაწვდომი იყოს ამომწურავი და სანდო ინფორმაცია, ამავდროულად მიხეილ სააკაშვილის სტაბილური ჯანმრთელობის მდგომარეობა იქნეს უზრუნველყოფილი. ამ მიზნით შეიქმნა ექიმების მულტიფუნქციური ჯგუფი, რომელიც ჩვენს კვალიფიციურ სამედიცინო პერსონალთან თანამშრომლობით დამატებით შეისწავლის მისი ჯანმრთელობის მდგომარეობას და საჭიროების შემთხვევაში შესაბამის რეკომენდაციებს მოგვცემს", – განაცხადა რატი ბრეგაძემ. ავტორი: ექსპრესნიუსი, აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|