მთავრობის გადაწყვეტილებით, 2022 წლის იანვრიდან საჯარო სამსახურებში დასაქმებულებს ხელფასები გაეზრდებათ. აღნიშნულის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

მისივე თქმით, საჯარო მოხელეებისთვის ხელფასების ზრდა ეტაპობრივად დაიწყება და მერების ხელფასები, პრაქტიკულად, გაორმაგდება.

„ერთ-ერთი პრობლემაა ჩვენს რეალობაში, რომ ვუახლოვდებით არჩევნებს, მერების ხელფასები კი მაგალითისთვის, შეადგენს დაახლოებით 1 800 – 2 000 ლარს, რაც აბსოლუტურად ამოვარდნილი და შეუსაბამოა დღევანდელ რეალობასთან. წლების განმავლობაში, საჯარო მოხელეების ხელფასები არ გაზრდილა. ფინანსთა მინისტრი გამოვიდა ინიციატივით, 2022 წლის იანვრიდან დავიწყებთ საჯარო სამსახურებში ხელფასების ზრდას“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა