2021-07-22 10:52:30, 1477 ნახვა
სამართალი
ბათუმში 60 წლამდე მამაკაცი მოკლეს
ბათუმში, ძველი ბულვარის ტერიტორიაზე, ერთ-ერთი კაფე-ბარის დაცვის თანამშრომელი მოკლეს.
შემთხვევა გვიან ღამით მოხდა.
გავრცელებული ინფორმაციით, 60 წლამდე მამაკაცს სასიკვდილო ჭრილობები ცივი იარაღით, ერთ-ერთმა სტუმარმა მიაყენა, რომელიც შემთხვევის ადგილიდან მიიმალა.
დაჭრილი მამაკაცი კლინიკაში გადაიყვანეს, თუმცა მისი გადარჩენა ვერ მოხერხდა და დღეს დილით გარდაიცვალა.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.
ავტორი: ექსპრესნიუსი,
epn.ge (@expressnews.ge)
