ქვეყანას ემუქრება ძალიან რთული სიტუაცია, ჩვენ, დიდი ალბათობით, შეიძლება შევიდეთ მძიმე, მეოთხე ტალღაში, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს დასრულების შემდეგ, ბრიფინგზე განაცხადა.

ჟურნალისტის შეკითხვაზე, ვის ეკისრება პასუხისმგებლობა „ტვ პირველის“ ოპერატორის, ლექსო ლაშქარავას გარდაცვალების გამო, ამირან გამყრელიძე აცხადებს, რომ მომხდარზე პასუხისმგებელია ყველა, როგორც მთავრობა, ასევე საზოგადოება.

„ეს არის ჩვენი საერთო პასუხისმგებლობა, დაწყებული მთავრობით, დამთავრებული საზოგადოებით. ჩვენი ყველას პასუხისმგებლობაა ეს, რომ საზოგადოება უნდა ვიყოთ მეტად სოლიდარული, მეტად ურთიერთგამგები და განსაკუთრებით დღეს, როცა ქვეყანას ემუქრება ძალიან რთული სიტუაცია, ჩვენ დიდი ალბათობით, შეიძლება შევიდეთ მძიმე მეოთხე ტალღაში. მოგეხსენებათ, ეპიდსიტუაცია ქვეყანაში უარესდება. კორონავირუსმა არ იცის ის და ეს, ოპოზიცია და პოზიცია, ერთიანად აზიანებს ყველას და მიაქვს ბევრი სიცოცხლე, სამწუხაროდ. ამიტომ მოგიწოდებთ ყველას, მეტი სოლიდარობისკენ, მეტი ყურადღებისკენ, რომ როგორმე ერთად, შევაჩეროთ ინფექცია და სამშვიდობოზე გავიდეთ“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს