პარლამენტის მიმდებარე ტერიტორიაზე სპეცდანიშნულების რაზმია მობილიზებული.

ადგილზე ყვითელი ავტობუსებია განლაგებული.

შეგახსენებთ, რომ ამ წუთებში რუსთაველის გამზირზე, პარლამენტის შენობის წინ საპროტესტო აქცია მიმდინარეობს. ადგილზე შეკრებილი არიან ოპოზიციის წარმომადგენლები, სხვადასხვა მედია ორგანიზაციები, სამოქალაქო აქტივისტები და რიგითი მოქალაქეები.

ისინი „ტვ პირველის“ ოპერატორის, ალექსანდრე ლაშქარავას გარდაცვალებას აპროტესტებენ. მათი მოთხოვნა დამნაშავეების დასჯა და მთავრობის გადადგომაა.

ცნობისთვის, ალექსანდრე ლაშქარავა 5 ივლისს ძალადობრივი ჯგუფების მსხვერპლი გახდა, რომელსაც მოძრაობა „სირცხვილიას“ ოფისში 20-მდე პირი ფიზიკურად გაუსწორდა.

გარდაცვლილის ცხედარს ექსპერტიზა უტარდება. შინაგან საქმეთა სამინისტრომ გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

ფოტო: „ტვ პირველი“

ავტორი: ექსპრესნიუსი,

სოციალური ქსელები

დააკავეს პირი რომელმაც სენაკში სამი ადამიანი დაჭრა

საქართველოში ამინდი გაუარესდება

COP31-ის ათასობით მონაწილე, ლგბტ თემის წარმომადგენლებთან ერთად, ანტალიის ქუჩებში პროტესტის ნიშნად გამოვიდა

ალიასკამ 1998 წლის შემდეგ პირველად აირჩია დემოკრატი გუბერნატორი