2021-06-25 23:24:11, 643 ნახვა

---

ირაკლი ღარიბაშვილი: რატი ბრეგაძის ინიციატივაა, რომ უახლოესი წლების განმავლობაში, ნარკოპოლიტიკის მიმართულებით საბჭოთა კანონმდებლობა ჩანაცვლდეს

პრემიერი მხარს უჭერს იუსტიციის მინისტრის ინიციატივას ნარკოპოლიტიკის რეფორმასთან დაკავშირებით, ამის შესახებ ირაკლი ღარიბაშვილმა პარლამენტში, წლიური ანგარიშის  წარდგენისას განაცხადა.

„ბატონი რატი ბრეგაძის ინიციატივაა, რომ უახლოესი წლების განმავლობაში, კერძოდ, 2020-2024 წლებში, საბჭოთა დროინდელი კანონები ჩანაცვლდეს თანამედროვე კანონმდებლობით, მოხდეს ჰარმონიზაცია ევროპულ კანონმდებლობასთან, - განაცხადა.

პრემიერმა აღნიშნა, რომ კანონმდებლობის ლიბერალიზაცია სიფრთხილეს საჭიროებს, რათა არ მოხდეს ნაკოდანაშაულის წახალისება:

„ნარკოპოლიტიკასთან დაკავშირებით არაერთთხელ გადაიდგა ლიბერალიზაციის მიმართულებით ნაბიჯები, მზად ვართ მოვისმინოთ ინიციატივები, მაგრამ სიფრთხილეა საჭირო, რომ მძიმე ნარკოტიკების სტიმულირებაც არ მოხდეს, - განაცხადა ირაკლი ღარიბაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი