თურქეთის დედაქალაქ ანკარაში საქართველო-თურქეთის თავისუფალი ვაჭრობის შეთანხმებით შექმნილი ერთობლივი კომიტეტის მე-12 შეხვედრა ჩატარდა, რომლის დროსაც გაიმართა მოლაპარაკება ორ ქვეყანას შორის თავისუფალი ვაჭრობის შესახებ შეთანხმებაში ცვლილებების განხორციელებასთან დაკავშირებით.

საქართველოს დელეგაციას ხელმძღვანელობდა ეკონომიკისა და მდგრადი განვითარების მინისტრის მოადგილე გენადი არველაძე, თურქეთის დელეგაციას კი - ვაჭრობის მინისტრის მოადგილე მუსტაფა თუზჯუ.

მოლაპარაკების ფარგლებში, მხარეებმა საქართველო - თურქეთს შორის თავისუფალი ვაჭრობის შეთანხმებით გათვალისწინებული სოფლის მეურნეობის პროდუქციაზე ტარიფების შემდგომი ლიბერალიზაცია და აღნიშნულ დოკუმენტში მომსახურებით ვაჭრობის დამატების შესაძლებლობა განიხილეს. მხარეებმა გაცვალეს ლიბერალიზაციის მოთხოვნები და შეთავაზებები, ასევე განიხილეს  ტრანსპორტის სფეროში მომსახურების დანართის ტექსტი.

გენადი არველაძის განცხადებით, საქართველოსა და თურქეთს შორის თავისუფალი ვაჭრობის შეთანხმებაში ცვლილების შეტანით, განსაკუთრებით, სოფლის მეურნეობის პროდუქციის ტარიფების შემდგომი ლიბერალიზება, გაზრდის საქართველოს ექსპორტს თურქეთში და ხელს შეუწყობს ქართველ მწარმოებლებს, საკუთარი წარმოების აგროპროდუქცია თურქეთის ბაზარზე კონკურენტუნარიანი იყოს. მისი თქმით, თურქეთის მხარესთან კონსულტაციის პროცესი აღნიშნულ საკითხზე წარმატებით მიმდინარეობს.

მოლაპარაკებების მსვლელობისას, ხაზი გაესვა საქართველოს, თურქეთს და ევროკავშირს შორის დიაგონალური კუმულაციის ამოქმედების მნიშვნელობას. თურქულმა მხარემ აღნიშნა, რომ კუმულაციის დროულად ამოქმედების მიზნით ევროკავშირს შესაბამის ინფორმაციას მიმდინარე წლის პირველ ივლისამდე მიაწვდის.

დასასრულს, მხარეთა გადაწყვეტილებით, კომიტეტის შემდგომი შეხვედრა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს