2021-06-18 20:09:49, 1091 ნახვა
კომენტარი
თენგიზ ცერცვაძე - სავარაუდოდ გადაადგილებაზე შეზღუდვაც მოიხსნება, ყველა გზა აქეთ მიდის
„სავარაუდოდ გადაადგილებაზე შეზღუდვაც მოიხსნება, ყველა გზა აქეთ მიდის“, - ამის შესახებ თბილისის ინფექციური საავადმყოფოს დირექტორმა თენგიზ ცერცვაძემ განაცხადა.
მან ასევე აღნიშნა, რომ მსოფლიოში შეზღუდვების შემსუბუქება ახლა დაიწყო.
„ჩემი აზრით, შეზღუდვები უნდა მოიხსნას. ყველა გზა აქეთ მიდის. პრაქტიკულად, რა შეზღუდვები დარჩა? მხოლოდ გადაადგილებაზე შეზღუდვა და ისიც მინიმალური ვადით. სავარაუდოდ გადაადგილებაზე შეზღუდვაც მოიხსნება.
თუმცა, მსოფლიოში ყველგან ასე არ არის. ჩვენგან განსხვავებით, ევროპის წამყვან ქვეყნებში ლოკდაუნების შემსუბუქება ახლა დაიწყეს“, – განაცხადა თენგიზ ცერცვაძემ.
ავტორი: ექსპრესნიუსი,
epn.ge (@expressnews.ge)
