2021-06-17 13:14:18, 897 ნახვა

---

მეუფე იაკობი ჟურნალისტებს - ბავშვებისთვის დიდი სტრესია, ყიზილბაშებივით ალყა რომ გაქვთ პანსიონზე შემორტყმული

ალყა რომ გაქვთ პანსიონზე ყიზილბაშებივით შემორტყმული, დიდი სტრესია ბავშვებისთვის, - ამის შესახებ ბოდბელმა მთავარეპისკოპოსმა, მეუფე იაკობმა ჟურნალისტებს მიმართა.

როგორც მან აღნიშნა, სახალხო დამცველთან აბსოლუტურად გულღია და გულითადი საუბარი ჰქონდა.

„ჩვენ აბსოლუტურად გულღია და გულითადი საუბარი გვქონდა. მიმოვიხილეთ პრობლემები და შევთანხმდით იმაზე, რომ სახალხო დამცველი და მე შემდეგი კვირის ბოლოს ერთად ჩავალთ პანსიონში. შეხვედრის დროს პრეტენზიები არ ყოფილა, აქ მტყუან-მართალზე არ იყო საუბარი. უბრალოდ, ჩვენ ვცდილობთ ბავშვების საუკეთესო ინტერესები გავითვალისწინოთ და დროზე დავამთავროთ ასეთი დაძაბული სიტუაცია.

ალყა რომ გაქვთ შემორტყმული ყიზილბაშებივით, ბავშვები გუშინ გეუბნებოდნენ წადით-წადითო,  გარეთ გვინდა სეირნობა და თქვენს გამო ვერ გამოვდივართ გარეთო, რატომ უშლით ნერვებს ბავშვებს?“, - განაცხადა მეუფე იაკობმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი