2021-06-02 11:38:26, 1177 ნახვა
სამართალი
თბილისის საქალაქო სასამართლოში გიგი უგულავას პროცესი ხვალ გაიმართება
თბილისის საქალაქო სასამართლოში ხვალ გიგი უგულავას სასამართლო პროცესი გაიმართება.
როგორც უგულავა სოციალურ ქსელში წერს, მას ბრალად ედება ძიუდოისტ ბადრი საბა გავაშელიშვილის აეროპორტში ცემა.
„ის იყო უნდა მერწმუნა ქართული ოცნების ფერისცვალების, ქართულმა თემიდამ ლახვარი ჩამსცა
ხვალ, 3 ივნისს, საქალაქო სასამართლოში 11:00 ჩაინიშნა ჩემი პროცესი, სადაც მე ძიუდოისტ ბადრი საბა გავაშელიშვილის აეროპორტში ცემა მედება ბრალად“, - წერს გიგი უგულავა.
შეგახსენებთ, რომ შემთხვევა 2019 წელს თბილისის საერთაშორისო აეროპორტში მოხდა. გოკა გაბაშვილისა და გიგი უგულავას განცხადებით, მათ თავს 2 უცნობი პირი დაესხათ. შინაგან საქმეთა სამინისტრომ ფაქტზე გამოძიება 126-ე, ძალადობის მუხლით დაიწყო.
ავტორი: ექსპრესნიუსი,
epn.ge (@expressnews.ge)
