2021-06-01 19:16:45, 507 ნახვა
საზოგადოება
არასრულწლოვან მსჯავრდებულებს ბავშვთა დაცვის დღე მიულოცეს
ბავშვთა დაცვის საერთაშორისო დღესთან დაკავშირებით, სპეციალური პენიტენციური სამსახურის ხელმძღვანელობა N11 (არასრულწლოვათა) სარეაბილიტაციო დაწესებულებას ესტუმრა.
დაწესებულებაში სტუმრობისას სპეციალური პენიტენციური სამსახურის ხელმძღვანელმა ნიკა ცხვარაშვილმა არასრულწლოვან მსჯავრდებულებს ბავშვთა დაცვის დღე მიულოცა და საჩუქრად მათი ინტერესებისა და საჭიროებიდან გამომდინარე შერჩეული სპორტული ინვენტარი გადასცა.
სამსახურის მსჯავრდებულთა რესოციალიზაცია-რეაბილიტაციის დეპარტამენტის ხელმძღვანელმა, ინგა სარჯველაძემ არასრულწლოვნებზე ზრუნვის მნიშვნელობაზე ისაუბრა და აღნიშნა, რომ ამ კუთხით მუშაობა მომავალშიც აქტიურად გაგრძელდება.
ავტორი: NS (სტატია დაფინანსებულია),
epn.ge (@expressnews.ge)
