ეკონომიკის მინისტრის განცხადებით, „ნამახვანი ჰესის“ პროექტი არის ძალიან მსხვილი, ძალიან მნიშვნელოვანი და სტრატეგიული პროექტი, ვინაიდან ჩვენი ქვეყნის ეკონომიკური დამოუკიდებლობა გადის ენერგეტიკაზე, ენერგეტიკული დამოუკიდებლობა კი გადის საკუთარი განახლებადი რესურსების განვითარებაზე.

„თუმცა, ზოგადად, როდესაც საუბარია ასეთი მასშტაბის დიდ ჰიდროსადგურზე, მსგავსი პროცესები ნებისმიერ ქვეყანაში ხდება ხოლმე, როგორც წესი, გარკვეული განმარტებების რეჟიმში, სხვა ქვეყნებშიც გამოუწვევია პროტესტები მსხვილ ჰიდროსადგურებს.  ჩვენ, ხელისუფლება ვალდებული ვართ, რომ ასეთ დროს ყველა კითხვას გავცეთ პასუხი, თუმცა, როდესაც საუბარია ეკოლოგიაზე, უსაფრთხოებაზე, პროექტის დეტალებზე - ეს პასუხები უნდა გაიცეს კომპეტენტურად, ექსპერტების დახმარებით, მათი ჩართულობით, რა თქმა უნდა არა ქუჩაში, არა კარვებში და არა მეგაფონის მოშველიებით -  ეს არ არის სწორი ფორმატი იმისთვის, რომ მოსახლეობამ გაიგოს პროექტის შესახებ სიმართლე" - განაცხადა ნათია თურნავამ „ნამახვანი ჰესთან" დაკავშირებით მიმდინარე მოვლენებზე ჟურნალისტების მიერ დასმული შეკითხვის საპასუხოდ. 

მინისტრის შეფასებით, ძალიან ბევრი არასწორი ინფორმაცია,  ბევრი მითი ვრცელდებოდა პროექტის შესახებ  და მთავრობა, ინვესტორთან ერთად, მაქსიმალურად ცდილობს ეს მითები გააქარწყლოს და მეტი ინფორმაცია მიაწოდოს მოსახლეობას.

„ხელისუფლებამ პირველ რიგში შეთანხმებას მიაღწია კომპანიასთან, რომ სრული მორატორიუმი არის გამოცხადებული კაშხლის მშენებლობაზე და სწორედ კაშხალია ის დიდი ნაგებობა, რასთან დაკავშირებითაც კითხვები ვრცელდებოდა. გარდა ამისა, შევქმენით რამდენიმე ძალიან კარგი პლატფორმა, რომ მოხდეს ყველა კითხვაზე პასუხის გაცემა. ერთი ასეთი პლატფორმაა ჩვენი და გარემოს დაცვის სამინისტროს ერთობლივი ინიციატივით ექსპერტთა საბჭოს შექმნა, როდესაც გაიხსნა ყველა კვლევა, დღესაც ჩართულები ვართ და ველოდებით ნებისმიერი ექპსერტისგან დასაბუთებულ წინადადებას, შენიშვნას, კრიტიკას, რეკომენდაციას, რომელთა რისი გათვალისწინებაც სავალდებული იქნება კომპანისთვის. მეორე ასევე ძალიან კარგი ფორმატი მათთვის, ვისაც მართლა უნდა, რომ მოხდეს ყველა კითხვაზე პასუხის გაცემა და პროექტის სრულყოფა, ეს არის ევროკავშირის ენერგეტიკული გაერთიანების დავათა საბჭოს ხელმძღვანელის, ბატონი ბუშლეს ჩართულობა, რომელმაც უკვე დაიწყო პირველი კონტაქტები სხვადასხვა დაინტერესებულ ორგანიზაციასთან და ესეც არაჩვეულებრივი ფორმატია იმისთვის, რომ თუნდაც აქტივისტებმა, ვინც ყველაზე აქტიურად აპროტესტებს „ნამახვანჰესის" მშენებლობას, გამოიყენონ ეს ფორმატი" - განაცხადა ნათია თურნავამ.

ეკონომიკის მინისტრმა კიდევ ერთხელ მოუწოდა აქტივისტებს, ჩაერთონ კონსტრუქციულ დიალოგში, რაც არის საკითხის ყველაზე სწორი გადაწყვეტის გზა.

„რაც შეეხება ულტიმატუმებს და რადიკალიზაციას, ეს არ არის სწორი გზა იმისთვის, რომ გაირკვეს ყველა, მათ შორის პროექტთან დაკავშირებული ტექნიკური დეტალები. რა თქმა უნდა, ულტიმატუმებით საუბარი მიუღებელია ხელისუფლების მიმართაც და საზოგადოების მიმართაც, განსაკუთრებით მიუღებელია სხვადასხვა მოწოდება  რაღაცის დაბლოკვის, გაჩერებისა თუ პარალიზების შესახებ“, - აღნიშნა მინისტრმა.

ავტორი: NS (სტატია დაფინანსებულია),

სოციალური ქსელები

„ნაციონალური მოძრაობა“ აცხადებს, რომ გიორგი ბარამიძის წინააღმდეგ მიმართულ ნებისმიერ უკანონო ნაბიჯს სამართლებრივი და პოლიტიკური გზით დაუპირისპირდება

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება დაიწყო

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო