2021-05-24 14:02:22, 841 ნახვა

---

ნათია თურნავა გადადგომაზე - ერთი წამით რომ ეჭვი მეპარებოდეს იმაში, რომ „ნამახვანჰესის“ პროექტი ჩვენთვის სტრატეგიულია, დღეს თქვენს წინაშე არ ვიდგებოდი

ერთი წამით მაინც რომ ეჭვი მეპარებოდეს იმაში, რომ ეს პროექტი ძალიან სტრატეგიულია ჩვენთვის, დღეს თქვენ წინაშე არ ვიდგებოდი, - ამის შესახებ ეკონომიკისა და მდგრადი განვითარების მინისტრმა, ნათია თურნავამ „რიონის ხეობის მცველების“ მოთხოვნაზე მისი თანამდებობიდან გადადგომის შესახებ განაცხადა.

როგორც მან აღნიშნა, კომუნიკაცია უნდა მოხდეს სწორ ფორმატში, ექსპერტებისა და მეცნიერების ჩართულობით.

„რაც შეეხება მათ მოთხოვნებს და ჩემს გადადგომას, მე შემიძლია ერთი რამე ვთქვა, ერთი წამით მაინც რომ ეჭვი მეპარებოდეს და არ ვიყო დარწმუნებული იმაში, რომ ქვეყნის დამოუკიდებლობა გადის ენერგოდამოუკიდებლობაზე და ეს პროექტი, ისევე როგორც სხვა ადგილობრივი გენერაციის პროექტები, ძალიან სტრატეგიულია ჩვენთვის, მე აქ დღეს თქვენ წინაშე არ ვიდგებოდი და არანაირი დამატებითი მოწოდება არ დამჭირდებოდა. მაგრამ დარწმუნებულები ვართ რა, რომ ერთად უნდა ვაშენოთ ძლიერი ენერგეტიკული სისტემა, ერთად უნდა ვაშენოთ ისეთი სისტემა, რომელიც იქნება დამოუკიდებელი და რომელიც იქნება ჩვენი დამოუკიდებელი ეკონომიკისა და სუვერენიტეტის განმტკიცების საფუძველი და „ნამახვანჰესი“ როგორც ერთ-ერთი თვალსაჩინო კარგად მოკვლეული სრულყოფილი პროექტი, ამ სისტემის ერთ-ერთი მნიშვნელოვანი შენატანი, ამიტომაც ვაგრძელებთ მუშაობს. ჩვენი გეგმა არის იგივე, რაც იყო, მხოლოდ და მხოლოდ დიალოგი, მხოლოდ და მხოლოდ კომუნიკაცია, მაგრამ კომუნიკაცია უნდა მოხდეს სწორ ფორმატში, ექსპერტებისა და მეცნიერების ჩართულობით“, - განაცხადა ნათია თურნავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი