2021-05-12 18:59:30, 872 ნახვა
სამართალი
ქედაში ავტოსაგზაო შემთხვევის შედეგად 2 ადამიანი დაიღუპა, ხუთი კი დაშავდა
ქედაში ავტოსაგზაო შემთხვევას ორი ადამიანის სიცოცხლე ემსხვერპლა, ხუთი კი დაშავდა.
ავტოსაგზაო შემთხვევა ცენტრალურ მაგისტრალზე, სოფელ წონიარისთან მოხდა.
არსებული ინფორმაციით, მსუბუქი ავტომობილი მდინარე აჭარისწყლის ხევში გადავარდა.
დაშავებულები ქედის რაიონულ ჰოსპიტალში არიან გადაყვანილი. მათგან ერთის მდგომარეობა კრიტიკულად მძიმეა.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
