2021-05-11 12:06:12, 543 ნახვა
საზოგადოება
გადაადგილებაზე არსებული შეზღუდვა, ე.წ კომენდატის საათი ძალაში რჩება
საქართველოში გადაადგილებაზე არსებული შეზღუდვა, ე.წ კომენდატის საათი ძალაში რჩება.
აღნიშნულის შესახებ საკოორდინაციო საბჭოს სხდომის დასრულების შემდეგ უწყებათაშორისი საკოორდინაციო საბჭოს ოპერატიული შტაბის უფროსმა, გიორგი ღიბრაძემ განაცხადა.
„ამ ეტაპზე, ძალაში რჩება ღამის საათებში 21:00-05:00 საათამდე გადაადგილებაზე დაწესებული შეზღუდვა. საბჭო მუდმივ რეჟიმში აკვირდება არსებულ ტენდენციებს და როგორც კი ეპიდემიოლოგიური ვითარება საშუალებას მოგვცემს, განხილული იქნება არსებული რეგულაციების შემსუბუქების შესაძლებლობა“, - განაცხადა გიორგი ღიბრაძემ.
ავტორი: ექსპრესნიუსი,
epn.ge (@expressnews.ge)
