საქართველოს თავდაცვის ძალების 30 წლის იუბილესთან დაკავშირებით წეროვანში, მარიამ (მარო) მაყაშვილის სახელობის სარეაბილიტაციო ცენტრში სპორტული კვირეული გაიხსნა.

ღონისძიებას თავდაცვის მინისტრის პირველი მოადგილე ლელა ჩიქოვანი, თავდაცვის ძალების მეთაურის მოადგილე, გენერალური შტაბის უფროსი, ბრიგადის გენერალი ჯონი ტატუნაშვილი, ვეტერანების საქმეთა სახელმწიფო სამსახურის დირექტორი კობა კობალაძე და მოწვეული სტუმრები დაესწრნენ.

საზეიმო ღონისძიების ფარგლებში, ლელა ჩიქოვანმა და კობა კობალაძემ შეჯიბრში მონაწილე სამხედროებსა და მოწვეულ სტუმრებს სიტყვით მიმართეს და წარმატება უსურვეს. სპორტული კვირეული, დაჭრილ-დაშავებული სამხედროების მონაწილეობით პარაფრენბურთით გაიხსნა. თავდაცვის ძალების 30 წლის იუბილესთან დაკავშირებით გამართულ შეჯიბრში მონაწილეობას თავდაცვის სამინისტროს დაჭრილ-დაშავებულ სამხედრო მოსამსახურეებთან ერთად, ომის ვეტერანებიც იღებენ.

შეჯიბრებები პარაფრენბურთში, ტექბოლში, ველორბოლა-პარაველოში, პისტოლეტით სროლაში, მკლავჭიდში, ნიჩბოსნობაში, პარაკალათბურთში და სხვა სპორტულ სახეობებში გაიმართება. ღონისძიების მიზანი დაჭრილ-დაშავებული სამხედრო მოსამსახურეების შესახებ ცნობადობის ამაღლება, თავდაცვის ძალებისა და ქვეყნის წინაშე მათი დამსახურების წარმოჩენა და რეაბილიტაციის პროცესში სპორტის აქტიურად გამოყენებაა. თავდაცვის სამინისტრო დაჭრილ-დაშავებული სამხედრო მოსამსახურეების ფიზიკურ და ფსიქოლოგიურ რეაბილიტაციას მუდმივად უჭერს მხარს. თავდაცვის უწყება სისტემატიურად უზრუნველყოფს მათ ჩართულობას, როგორც ადგილობრივ, ისე საერთაშორისო სპორტულ ღონისძიებებში.

ავტორი: NS (სტატია დაფინანსებულია),

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს