„მომხრე ვართ, რომ ვისაც ექნება კოვიდ პასპორტი, ჰქონდეთ შესაბამისი „პრივილეგია“, - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ ტელეკომპანია „ფორმულას“ ეთერში განაცხადა.

მან ასევე აღნიშნა, რომ მსგავსი წახალისების საკითხი საკოორდინაციო საბჭოზე წარდგენილია და განხილული იქნება.

„ჩვენ გვაქვს ჩვენი რეკომენდაციები, რომ ამ ადამიანებს, რომლებიც აიცრნენ ორჯერადად ან ერთჯერადად, სხვადასხვა წახალისება ჰქონდეთ საზოგადოებასა და ცხოვრებაში.

რამდენიმე ასეთი წამახალისებელი ნაბიჯი არის წარდგენილი საკოორდინაციო საბჭოში და ეს იქნება განხილული.

რა თქმა უნდა, ჩვენ მომხრე ვართ, რომ ვისაც ექნება კოვიდ პასპორტი, ჰქონდეთ შესაბამისი „პრივილეგია“, უპირატესობა რაღაც მიმართულებით.

ეს სერიოზული პრივილეგიაა იმიტომ, რომ ადამიანი როცა მიდის ექიმთან და იცის, რომ ამ კლინიკაში ყველა აცრილია, რა თქმა უნდა, იქ ნაკლები რისკია შემდგომი დაინფიცირების“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია