2021-04-24 14:24:13, 739 ნახვა

---

მოძრაობა „დროა“ ხელისუფლებას მიმართავს, ჰომოფობიური ნიშნით ჩადენილ დანაშაულებზე მკაცრი რეაგირება მოახდინოს

პოლიტიკური მოძრაობა „დროა“ ხელისუფლებას მიმართავს, მკაცრი რეაგირება მოახდინოს ჰომოფობიური ნიშნით ჩადენილ დანაშაულებზე, უზრუნველყოს მსხვერპლთა უსაფრთხოება და გააძლიეროს სიძულვილით მოტივირებულ დანაშაულებთან ბრძოლა.

როგორც მათ განცხადებაშია აღნიშნული, სიძულვილით მოტივირებულ დანაშაულებზე არასათანადო რეაგირება განმეორებითი ძალადობის საფრთხეს ქმნის.

„ბოლო დღეებში ჰომოფობიურ ნიადაგზე სექსუალურ უმცირესობებზე ფიზიკური თავდასხმის რამდენიმე მძიმე ფაქტი დაფიქსირდა.

საგანგაშოა, რომ ერთ შემთხვევაში თავდამსხმელი გირაოს სანაცვლოდ გათავისუფლდა, სავარაუდო მოძალადე და მსხვერპლი კი ერთსა და იმავე სადარბაზოში ცხოვრობენ, რაც მსვერპლისთვის დამატებით საფრთხეს ქმნის.

სიძულვილით მოტივირებულ დანაშაულებზე არასათანადო რეაგირება განმეორებითი ძალადობის საფრთხეს ქმნის.

კატეგორიულად მოვითხოვთ ხელისუფლებისგან, მკაცრად ირეაგიროს ჰომოფობიური ნიშნით ჩადენილ დანაშაულებზე, უზრუნველყოს მსხვერპლთა უსაფრთხოება და გააძლიეროს სიძულვილით მოტივირებულ დანაშაულებთან ბრძოლა“,- ნათქვამია განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი