ვარლამ გოლეთიანი 23 მაისს, თბილისში, „ნამახვანჰესის“ საწინააღმდეგო ფართომასშტაბიან აქციას აანონსებს

2021-04-24 10:56:22, 722 ნახვა

საზოგადოება

„ნამახვანჰესის“ პროტესტის ერთ-ერთი ორგანიზატორი ვარლამ გოლეთიანი 23 მაისს, თბილისში, ფართომასშტაბიან აქციას აანონსებს.

როგორც ვარლამ გოლეთიანმა ჟურნალისტებს განუცხადა, დღეს, სხვადასხვა ქალაქებში იგეგმება „ნამახვანჰესის“ მშენებლობის საწინააღმდეგო აქციები.

„დღეს იგეგმება 4 საათისთვის, სხვადასხვა ქალაქებში აქციები, რაც შეეხება ჩვენ გრძელვადიან გეგმას და ჩვენი აქციის თბილისში გადატანას, ვამბობთ, რომ 23 მაისს ჩავატარებთ აქციას დედაქალაქში. მანამდე ემთხვევა მნიშვნელოვანი დღეები, სხვადასხვა თარიღები პარტიული ნიშნით არის დაკავებული და მაქსიმალურად გადავწიეთ ჩვენი მასშტაბური აქციის ჩატარება დედაქალაქში. 23 მაისს ჩავატარებთ აუღებელ აქციას დედაქალაქში. დამატებით დეტალებს ვიტყვით ჩვენს ლაივებში“, - განაცხადა ვარლამ გოლეთიანმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან