„ნაციონალური მოძრაობის“ თავმჯდომარის, ნიკა მელიას ადვოკატის განცხადებით, ხელისუფლებას მოუწევს ის წინაპირობების და ყოველგვარი გამოსასყიდის გარეშე გაატავისუფლოს.

როგორც გიორგი კონდახიშვილმა აღნიშნა, მისი დაცვის ქვეშ მყოფისთვის მიუღებელია ამნისტიის კანონის იმდაგვარი განმარტება, სადაც თავისუფლებისთვის მებრძოლი პატრიოტები და მოძალადეები, ვინც ახალგაზრდებს თვალები დათხარეს, ერთ პლათფორმაში არიან  განხილული.

„ნიკა მელია, ხვალ იქნება , ერთი კვირის, თუ ერთი თვის შემდეგ, დატოვებს სასჯელაღსრულების დაწესებულებას თავაწეული და ხელისუფლებას მოუწევს წინაპირობების და ყოველგვარი გამოსასყიდის გარეშე მისი გათავისუფლება. რაც შეეხება ამნისტიის კანონს, ნიკას პოზიცია საჯაროდ ცნობილია, რომ მისთვის მიუღებელია ამნისტიის კანონის იმდაგვარი განმარტება, რომ თავისუფლებისთვის მებრძოლი პატრიოტები და მოძალადეები, ვინც ახალგაზრდებს თვალები დათხარეს, ერთ პლათფორმაში იყვნენ განხილული, თუმცა რა სამართლებრივ ინსტრუმენტს აირჩევს ხელისუფლება ეს მათი გადასაწყვეტია. მელიას პოზიცია ამის შესახებ საჯაროდაა ცნობილი“, - განაცხადა გიორგი კონდახიშვილმა.

შეგახსენებთ, რომ ნიკა მელიას მხარდამჭერები რუსთავის მე-12 სასჯელაღსრულებით დაწესებულებასთან აქციას მართავენ.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს