საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლი, ჟოზეფ ბორელი მოუწოდებს ყველა პარტიას, იპოვონ კომპრომისული გზები და გადადგან ნაბიჯები შეთანხმებისკენ.

როგორც მან ევროკავშირის საგარეო საქმეთა მინისტრების არაფორმალური ვიდეოკონფერენციის შემდეგ აღნიშნა, „ქართული ოცნების“ მხრიდან შარლ მიშელის მიერ შეთავაზებული დოკუმენტისთვის ხელმოწერის მზაობა მისასალმებელია.

„შეხვედრის დროს ვისაუბრეთ საქართველოს საკითხზეც. პრეზიდენტ შარლ მიშელის სახელით ახალი წინადადება იქნა წარდგენილი, რათა მოიძებნოს გზა პოლიტიკური კრიზისიდან გამოსასვლელად. მივესალმები, რომ „ქართულმა ოცნებამ“ მიიღო შეთავაზება, რომელიც ბოლოს იყო წარდგენილი და იმედი მაქვს, სხვა პარტიებიც გადადგამენ ნაბიჯს, რათა შედგეს შეთანხმება. იმედი გვაქვს, რომ სხვა პარტიებიც იმოქმედებენ იმისთვის, რომ მიღწეულ იქნას შეთანხმება. მოვუწოდებ ყველა პარტიას, იპოვონ კომპრომისული გზები, რათა საქართველო გამოვიდეს იმ ჩიხიდან, რომელშიც ახლა არის და გააგრძელოს თავისი დემოკრატიული კონსოლიდაცია. ვიმედოვნებ, რომ დღის ბოლოს ამას გავიგებთ“, - განაცხადა ჟოზეფ ბორელმა.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს