გლობალური პანდემიის გამო შექმნილი სირთულეებისა და გამოწვევებიდან გამომდინარე, აზიის განვითარების ბანკის აღმასრულებელ დირექტორთა საბჭოს გადაწყვეტილებით, აზიის განვითარების ბანკის წლიური შეხვედრა წელსაც ვირტუალურ ფორმატში გაიმართება.

როგორც ფინანსთა მინისტრ ლაშა ხუციშვილსა და აზიის განვითარების ბანკის რეგიონული წარმომადგენლობის ხელმძღვანელს, შეინ როზენტალს შორის გამართულ შეხვედრაზე აღინიშნა, მასშტაბური ღონისძიება, რომლის მასპინძელი ქვეყანა 2021 წელს საქართველო იყო მომავალში, პანდემიის დასრულების შემდეგ გაიმართება.

მხარეებმა მიმოიხილეს აზიის განვითარების ბანკსა და საქართველოს შორის თანამშრომლობის საკითხები. ADB-ის რეგიონული წარმომადგენლობის ხელმძღვანელმა ლაშა ხუციშვილს მიულოცა ფინანსთა მინისტრის პოსტზე დანიშვნა და იმედი გამოთქვა, რომ თანამშრომლობა ბანკსა და საქართველოს შორის კვლავ დინამიურად განვითარდება.

ფინანსთა მინისტრმა, კიდევ ერთხელ ხაზი გაუსვა იმ მხარდაჭერის მნიშვნელობას, რომელსაც აზიის განვითარების ბანკი უწევს ქვეყანას როგორც ეკონომიკის განვითარების, ისე covid-19-ის წინააღმდეგ ბრძოლაში.

აღსანიშნავია, რომ აზიის განვითარების ბანკმა covid-19-ის პანდემიის საპასუხოდ, გამოყო 20 მილიარდი აშშ დოლარი, რამაც ბანკის წევრ ქვეყნებს საშუალება მისცა ფინანსური რესურსი გამოეყენებინათ როგორც ჯანდაცვის ისე სოციალური მხარდაჭერისა და კერძო სექტორის სტიმულირებისათვის.

როგორც მან აღნიშნა, რომ არა გლობალური პანდემია და მსოფლიოში არსებული გამოწვევები, ADB-ის 54-ე წლიური შეხვედრის თბილისში გამართვა მნიშვნელოვანი იქნებოდა, როგორც ქვეყნისთვის, ისე რეგიონისთვის. ფინანსთა მინისტრმა იმედი გამოთქვა, რომ უახლოეს მომავალში,  პოსტპანდემიურ პერიოდში, თბილისი შეძლებს ღირსეულად და მასშტაბურად უმასპინძლოს აზიის განვითარების ბანკის ამ მნიშვნელოვან ღონისძიებას.

როგორც შეხვედრაზე აღინიშნა, აზიის განვითარების ბანკი გააგრძელებს ქვეყნისთვის მნიშვნელოვანი ყველა მიმართულების მხარდაჭერას.

ავტორი: NS (სტატია დაფინანსებულია),

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა