ეკატერინე ტიკარაძის ინფორმაციით, „მედკაპიტალის“ ექიმის გარდაცვალება, პირველადი მოკვლევით, აცრას არ უკავშირდება

2021-03-31 13:16:06, 1566 ნახვა

კომენტარი

ჯანდაცვის მინისტრის ეკატერინე ტიკარაძის ინფორმაციით, „მედკაპიტალის" ექიმის გარდაცვალება, პირველადი მოკვლევით, აცრას არ უკავშირდება.

როგორც ეკატერინე ტიკარაძემ აღიშნა, რეგულირების სააგენტო ამ ეტაპზე ადგილზე იმყოფება და მიმდინარეობს შემთხვევის მოკვლევა.

„რეგულირების სააგენტო ამ წუთებში იმყოფება ადგილზე, თუმცა პირველადი მოკვლევით, პირდაპირი კავშირი აცრასა და გარდაცვალებას შორის, ამ ეტაპზე დადგენილი არ არის. სააგენტო არის ადგილზე და მიმდინარეობს მოკვლევა, მოგვიანებით გვეცოდინება ინფორმაცია", - განაცხადა ეკატერინე ტიკარაძემ.

ცნობისთვის, გავრცელდა ინფორმაცია, რომ გარდაიცვალა „მედკაპიტალის" ექიმი, რომელსაც 2 კვირის წინ კორონავირუსის საწინააღმდეგო ვაქცინა ჰქონდა გაკეთებული.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან